Ońtústik Koreia qazaqstandyqtardan koronavirýs anyqtalsa, jedel aqparat beriledi. Bul týraly QR Syrtqy ister ministrliginiń resmi ókili Aibek Smadiiarov aitty, dep habarlaidy QazAqparat.
«Biz alǵashqy kúnnen bastap-aq Ońtústik Koreianyń Aýrýlardy baqylaý jáne aldyn alý korei ortalyǵymen tyǵyz bailanysta jumys istep jatyrmyz. Osy ortalyq qazaqstandyqty aýrýhanaǵa jatqyzýdan jáne testiden ótkizýden bas tartty. Sebebi onda aýrýdyń syrtqy belgileri joq. Sondyqtan ol testileýden ótpeidi. Degenmen, ózi qalasa, onda jeke tártippen testileýden óte alady», - dedi resmi ókil.
Sonymen qatar, ol Ońtústik Koreiada júrgen qazaqstandyqtar koronavirýsqa shaldyqsa Aýrýlardy baqylaý jáne aldyn alý korei ortalyǵy shuǵyl habar beretindigin aitty.
«Eger bizdiń azamattarymyzdyń birinen virýs anyqtalatyn bolsa, onda atalǵan ortalyq Syrtqy ister ministrligi arqyly bizge birden habar beretin bolady. Ázirshe baqytymyzǵa orai bizdiń qolymyzda mundai málimet joq», - dedi Aibek Smadiiarov.
