Parlament Májilisiniń jalpy otyrysynda «Qazaqstan Respýblikasy men Koreia Respýblikasynyń arasyndaǵy sottalǵan adamdardy berý týraly shartty ratifikatsiialaý týraly» zań jobasy maquldandy, dep habarlaidy QazAqparat.
«Memleket úshin shetelde júrgen azamatty qorǵaý – Konstitýtsiia júktegen mindetimiz. Sebebi Konstitýtsiiaǵa sáikes elimizden tys jerlerde júrgen azamattardy qorǵaýǵa jáne olarǵa qamqorlyq jasaýǵa kepildik beremiz. Sondyqtan basqa elde qylmys jasap, sottalǵan azamattardy tastap ketpeimiz. Búgingi sharttyń negizgi maqsaty - sottalǵan adamdardy ózara almasý, olardy berý joldaryn retteý», - dedi QR Bas prokýrorynyń orynbasary Marat Ahmetjanov qujat boiynsha jasaǵan baiandamasynda.
Sottalǵan adamdar mynadai jaǵdailarda beriledi:
- eger sotttalǵan adam elimizdiń, ne Koreianyń azamaty bolyp tanylsa;
- sot úkimi zańdy kúshine engen bolsa;
- berý týraly suraý salý alynǵan kezde keminde bir jyl óteitin merzimi qalsa;
- jasaǵan áreketi eki jaqta da qylmys bolyp tanylsa;
- eki memleket sottalǵandy ózara berýge kelisse.
Onyń aitýynsha, osy talaptar saqtalmasa, sottalǵan adamdar berilmeidi. Qazaqstanǵa qaitarylǵan adam Koreia sotynyń úkimi boiynsha óz jazasyn óteidi. Eger Qazaqstan men Koreianyń zańdary sáikes bolmasa, iaǵni úilespese, onda sot úkimi elimizdiń zańda kózdelgen jazaǵa sai keltiriledi.
«Alaida jazanyń sipaty men uzaqtyǵy Koreia soty taǵaiyndaǵan jazadan qatal bolmaýǵa tiis. Búgingi tańda Koreiada 25 qazaqstandyq jazasyn ótep jatyr. Bizde Koreianyń bir azamaty jazaǵa tartyldy. Usynylyp otyrǵan kelisimge ratifikatsiia jasalǵan jaǵdaida bul azamattardy elge qaitarýǵa múmkindik týady. Olar elge kelip, áleýmettik ortasynda jazasyn óteidi», - dedi M. Ahmetjanov.
