Qazaqstannyń Syrtqy ister ministrligi Ońtústik Koreiada koronavirýs juqtyrdy delingen qazaqstandyqtyń jai-kúiimen bólisti, dep habarlaidy QazAqparat.
«Ol ózi bailanysqa shyqty jáne sýretiniń taralyp jatqanyna tańǵalyp otyr. Anson qalasynda esh ýaqytta bolmaǵan jáne eshqandai saraptama tapsyrmaǵan. Degemen qazir test tapsyrýǵa daiyn», - dedi Aibek Smadiiarov.
Onyń atap ótýinshe, Ońtústik Koreiadaǵy Qazaqstan Elshiligi bul máseleni turaqty baqylaýynda ustap otyr.
«QR Syrtqy ister ministrligi BAQ ókilderine tekserilmegen aqparatty jariialap, dúrliktirmeýdi jáne úrei týdyrmaýdy suraidy. Syrtqy saiasi vedomstvonyń resmi túsiniktemesin kútýge keńes beremiz», - dedi ol.
Buǵan deiin habarlaǵanymyzdai, jyldyń 3 naýryzynda Ońtústik Koreianyń áleýmettik jelileriniń orys tildi toptarynda Ońtústik Koreiada zańsyz júrgen Qazaqstan Respýblikasynyń azamaty COVID-19 koronavirýsyna shaldyqqany rastaldy degen aqparat taraǵan. Keiinnen birneshe kún buryn qazaqstandyq azamat koronavirýske shaldyqqan adam barǵan qoǵamdyq tamaqtaný ornynda bolǵany anyqtalǵan.
«Bizdiń Elshilik koronavirýs Ońtústik Koreia aýmaǵynda anyqtalǵan alǵashqy kúnnen bastap jergilikti Ishki ister ministrligimen jáne Aýrýlardy baqylaý, aldyn alý korei ortalyǵymen tyǵyz jumys istep keledi. Atalǵan ortalyqtyń usynysy boiynsha bizdiń otandasymyz telefon arqyly kúndelikti densaýlyǵyna baqylaý júrgizip, úi karantininde bolýy qajet. Bul usynys aýrýdyń syrtqy belgileri joqtyǵyna negizdelgen jáne ony emdeýge jatqyzýdan jáne koronavirýstyń bolýyn testileýden bas tartyldy», - degen edi Aibek Smadiiarov.
