Mýn Chje In sapar aiasynda Almatyǵa baryp, korei diasporasymen kezdespek. Bul týraly brifing barysynda SIM resmi ókili Aibek Smadiiarov málimdedi, dep habarlaidy Baq.kz agenttigi.
Onyń aitýynsha, 21-23 sáýirde Koreia Respýblikasynyń prezidenti Mýn Chje In Orta Aziia elderine resmi sapary aiasynda Qazaqstanǵa keledi. Sapar barysynda ekijaqty ekonomikalyq jáne Korei túbegindegi ahýaldy talqylamaq.
«Resmi sapar aiasynda eki el arasyndaǵy ekonomikalyq saladaǵy jáne halyqaralyq kún tártibindegi Koreia túbegindegi ahýal talqylanbaq. Memleket basshylarynyń qatysýymen birqatar ekijaqty kelisim men memorandýmǵa qol qoiylady. Onyń ishinde, sottalǵan adamdardy berý týraly shart pen jańa tehnologiialar, infraqurylym, logistika, ónerkásip, aýyl sharýyshylyǵy siiaqty salalardy qamtityn saýda-ekonomikalyq qatynastardy tereńdetý boiynsha jol kartasy jańartylǵan yntymaqtastyq baǵdarlamasy kiredi», - dedi ol.
Sonymen qatar, Koreia basshysynyń saparyna ushtastyrylatyn eki eldiń isker toptarynyń úsh júzge jýyq ókilderiniń qatysýymen «Ońtústik Qazaqstan jáne Ońtústik Koreia investitsiialyq forýmy» uiymdastyrylady.
«Onyń barysynda ónerkásipti tsifrlandyrý, infraqurylym jáne meditsina salalaryndaǵy Qazaqstan-Koreia birlesken investitsiialyq jobalar men bastamalar kórmesin ótkizý josparlanyp otyr. Sondai-aq, sapar baǵdarlamasy aiasynda Ońtústik Koreia basshysy Almatyǵa resmi saparmen baryp, korei diasporasymen kezdesýdi josparlap otyr. Olardyń elimizdegi ómirimen tanysady», - dedi Smadiiarov.
2018 jyldyń qorytynydysy boiynsha eki el arasyndaǵy ekijaqty taýar ainalymynyń kólemi 3 mlrd 898,5 mln dollardy qurady. Qazaqstannan eksport kólemi 976 mln dollar bolsa, Ońtústik Koreiadan kelgen import 922,5 mln dollardy qurady.
