Cho Mion Kenniń basshylyǵyndaǵy birlestik ministrligi KHDR-ǵa halyqaralyq uiymdar arqyly 8 million dollar kómek kórsetý bastamasyn kóterdi. Bul týraly TASS habarlaidy.
Ministrlik soltústikkoreilik balalar men júkti áielderge BUU-ynyń dúniejúzilik azyq-túlik baǵdarlamasynan 4,5 mln jáne BUU balalar qorynan (IýNISEF) 3,5 mln bólýdi usyndy.
«Úkimet Korei túbegindegi jaǵdaidy talqylaǵannan keiin bólinetin qarjynyń tetikterin jáne berilý merzimin anyqtaityn bolady», - delengen ministrlik ókilderiniń habarlamasynda.
BUU málimetterine súiensek, aǵymdaǵy jyldyń sáýir aiynda qurǵaqshylyqqa bailanysty KHDR-nyń astyq ósiretin óńirleri qatty zardap shekti. Shilde aiyndaǵy jaǵdai boiynsha, Soltústik Koreianyń kei aýdandarynda 59 paiyzǵa deiingi ónim joiylyp ketti. Ásirese, ósirilýine kóp sý ketetin kúrish egistigine aitarlyqtai shyǵyn kelgen.
