Aqpan aiynda Qordaida bolǵan qaiǵyly oqiǵa kezinden búlingen turǵyn úiler men kommertsiialyq nysandardy qalpyna keltirý jumystary jaqynda bastalady, dep habarlaidy "Ult aqparat" oblys ákiminiń baspasóz qyzmetine silteme jasap.
Masanshy, Bular batyr, Aýqatty jáne Qarasý aýyldarynda barlyǵy 40 turǵyn úi, 20 kommertsiialyq nysan jáne 5 sharýashylyq qurylystary órtengen. Bul oraidaǵy barlyq jumystar «Shivon» qaiyrymdylyq qory jinaityn demeýshilik qarajat esebinen júrgiziletin bolady.
Búginde órtten zardap shekken 39 otbasyna oblystyq rezervten jalpy somasy 20,6 million teńge qarajat bólindi.
Sondai-aq, memlekettik materialdyq rezervten turǵyn úi-jailardy qalpyna keltirý úshin 26 tonna armatýra, 16 750 m2 jabyn materialy, 400 m3aǵash bólingen.
Al ishinara zaqym alǵan jyljymaityn múlik nysandary demeýshilik qarajat esebinen qalpyna keltirilip úlgerilgen. Zardap shekken otbasylarǵa kómek kórsetý maqsatynda qaiyrymdylyq qorlaryna 22,5 mln.teńge túsken.
Qazirgi tańda qaitys bolǵan azamattardyń toǵyz otbasyna asyraýshysynan airylýyna bailanysty járdemaqy taǵaiyndalǵan. Sonymen qatar, qaza tapqandardyń otbasylaryna jalpy somasy 8,2 million teńgeden astam qarjynyń demeýshilik kómegi kórsetilgen.
Al, zaqymdalǵan kólik ielerine tólenetin ótemaqy kólemi qylmystyq isterge qatysty tergeýler aiaqtalǵannan keiin anyqtalmaq.
Jalpy, 11 aqpan men 20 naýryz aralyǵynda zardap shekken otbasylarǵa 121,6 tonna kólemde gýmanitarlyq kómek kórsetilgen desek, olardyń ishinde azyq-túlik, dári-dármek, ydys-aiaq, gigienalyq jáne basqa da qajetti buiymdar bar. Qazirgi ýaqytta aýdandaǵy ahýal turaqty.
