Foto: Inaktau.kz
Mańǵystaýlyq sarbaz áskerge shaqyrylǵanyna birneshe kún ótkende qaitys boldy. Oqiǵa Jambyl oblysy Qordaida bolǵan. Qorǵanys ministrligi oqiǵaǵa qatysty pikir bildirdi, - dep habarlaidy Tengrinews.kz tilshisi inaktau.kz saityna silteme jasap.
Ministrlik málimetinshe, 22 sáýirde Merzimdi qyzmettiń qatardaǵy jaýyngeri Álibek Qalbai Gvardeiskii kentindegi qalalyq tiptegi áskeri aýrýhanada qaitys boldy.
"Sarbaz tańerteń sapqa turý kezinde talyp qalǵan. Áskeri qyzmetshige qajetti meditsinalyq kómek kórsetildi. Alaida ol esin jimastan qaitys boldy. Jaýyngerdiń qaitys bolý degeri boiynsha tekserý bastaldy. Qorǵanys ministrliginiń basshylyǵy men Qarýly kúshterdiń jeke quramy Álibek Qalbaidyń týystary men jaqyndaryna qaiǵyryp kóńil aitady", - delingen habarlamada.
Mańǵystaý oblysy Aqshuqyr aýylynyń turǵyny 18 jastaǵy Álibek Qalbaidyń týystarynyń sózinshe, ol 13 sáýirde shaqyrtý alyp, QR Qorǵanys ministrliginiń 30212 áskeri bólimine áskeri boryshyn óteýge barǵan. Bólimshe Jambyl oblysy Qordai aýylynda ornalasqan.
"Mine qazir anasymen birge máiithanada otyramyz... Ony birneshe ret urǵan, basynda izder bar. Búgin Aqtaýǵa oralamyz. 13 sáýirde ustap alyp, áskerge jiberdi, 18 sáýirde áskeri bólimge ushyp shyqty, al keshe tańerteń áskeri komissariattan habarlama keldi... Búkil Qazaqstan bilsin - áskerde balalar óledi, olar soqqy kóredi. Ol qyzmet etkisi kelmegen edi, biraq ony jumysyna izdep baryp úlken aiyppulmen qorqytty...", - dedi marqumnyń týysy Dinara Tilesova.
Týystary bul oqiǵa ádil tergeletinine úmittenedi.
Aita keteiik, qaraly habar keshe, 22 sáýirde kelgen.
