فوتو: Inaktau.kz
ماڭعىستاۋلىق سارباز ەسكەرگە شاقىرىلعانىنا بٸرنەشە كٷن ٶتكەندە قايتىس بولدى. وقيعا جامبىل وبلىسى قوردايدا بولعان. قورعانىس مينيسترلٸگٸ وقيعاعا قاتىستى پٸكٸر بٸلدٸردٸ, - دەپ حابارلايدى Tengrinews.kz تٸلشٸسٸ inaktau.kz سايتىنا سٸلتەمە جاساپ.
مينيسترلٸك مەلٸمەتٸنشە, 22 سەۋٸردە مەرزٸمدٸ قىزمەتتٸڭ قاتارداعى جاۋىنگەرٸ ەلٸبەك قالباي گۆاردەيسكيي كەنتٸندەگٸ قالالىق تيپتەگٸ ەسكەري اۋرۋحانادا قايتىس بولدى.
"سارباز تاڭەرتەڭ ساپقا تۇرۋ كەزٸندە تالىپ قالعان. ەسكەري قىزمەتشٸگە قاجەتتٸ مەديتسينالىق كٶمەك كٶرسەتٸلدٸ. الايدا ول ەسٸن جيماستان قايتىس بولدى. جاۋىنگەردٸڭ قايتىس بولۋ دەگەرٸ بويىنشا تەكسەرۋ باستالدى. قورعانىس مينيسترلٸگٸنٸڭ باسشىلىعى مەن قارۋلى كٷشتەردٸڭ جەكە قۇرامى ەلٸبەك قالبايدىڭ تۋىستارى مەن جاقىندارىنا قايعىرىپ كٶڭٸل ايتادى", - دەلٸنگەن حابارلامادا.
ماڭعىستاۋ وبلىسى اقشۇقىر اۋىلىنىڭ تۇرعىنى 18 جاستاعى ەلٸبەك قالبايدىڭ تۋىستارىنىڭ سٶزٸنشە, ول 13 سەۋٸردە شاقىرتۋ الىپ, قر قورعانىس مينيسترلٸگٸنٸڭ 30212 ەسكەري بٶلٸمٸنە ەسكەري بورىشىن ٶتەۋگە بارعان. بٶلٸمشە جامبىل وبلىسى قورداي اۋىلىندا ورنالاسقان.
"مٸنە قازٸر اناسىمەن بٸرگە مەيٸتحانادا وتىرامىز... ونى بٸرنەشە رەت ۇرعان, باسىندا ٸزدەر بار. بٷگٸن اقتاۋعا ورالامىز. 13 سەۋٸردە ۇستاپ الىپ, ەسكەرگە جٸبەردٸ, 18 سەۋٸردە ەسكەري بٶلٸمگە ۇشىپ شىقتى, ال كەشە تاڭەرتەڭ ەسكەري كوميسسارياتتان حابارلاما كەلدٸ... بٷكٸل قازاقستان بٸلسٸن - ەسكەردە بالالار ٶلەدٸ, ولار سوققى كٶرەدٸ. ول قىزمەت ەتكٸسٸ كەلمەگەن ەدٸ, بٸراق ونى جۇمىسىنا ٸزدەپ بارىپ ٷلكەن ايىپپۇلمەن قورقىتتى...", - دەدٸ مارقۇمنىڭ تۋىسى دينارا تٸلەسوۆا.
تۋىستارى بۇل وقيعا ەدٸل تەرگەلەتٸنٸنە ٷمٸتتەنەدٸ.
ايتا كەتەيٸك, قارالى حابار كەشە, 22 سەۋٸردە كەلگەن.
