QR Bas prokýratýrasy Almatynyń tergeý izoliatorynda óli kúiinde tabylǵan azamatqa qatysty túsinik berdi, dep habarlaidy "Ult aqparat".
«Búgin, 29 sáýirde, tańǵy saǵat 08.00-de Almaty qalasynyń tergeý izoliatorynda Qibaev Bekbol Muhameduly sol jaq qolynyń bilek tusynan kesilgen kúii dárethanadan tabylǵan. Ony kamerada birge otyrǵan adamdar taýyp alǵan. Izoliatordyń meditsina qyzmetkerleri birden alǵashqy meditsinalyq kómek kórsetti. Alaida, ony qutqaryp qalý múmkin bolmady. Shaqyrtý boiynsha kelgen jedel járdem brigadasy onyń qaitys bolǵanyn tirkedi. Ólim qandy kóp joǵaltýdan bolýy múmkin», - delingen Bas prokýratýranyń aqparatynda.
Aita keteiik, B.Qibaev Jambyl oblysy Qordai aýdanynda bolǵan jappai tártipsizdikke qatysqany úshin ustalyp, tergeý izoliatoryna qamalǵan.
«Atalǵan fakti boiynsha Almaty qalasynyń arnaiy prokýrorlary sotqa deiingi tergep-tekserýdi júrgizip jatyr. Oryn alǵan jaǵdaiǵa qatysty barlyq mán-jailar obektivti zerttelip, jurtshylyqqa jetkiziletin bolady», - dedi QR Bas prokýratýranyń baspasóz qyzmetinen.
