Qordaidaǵy oqiǵadan keiin 120 qylmystyq is boiynsha tergeý amaldary júrgizilip jatyr, dep habarlaidy "Ult aqparat".
«Qordai oqiǵasy boiynsha qazirgi ýaqytta 120 qylmystyq is qozǵalǵan. Vedomstvoaralyq jedel tergeý tobyn Bas prokýratýra basqarady. Ókinishke qarai, qylmystyq-protsessýaldyq kodekstiń 201-babyna sáikes tergeý amaldary jaily aqparatty, sonymen qatar qansha adamnyń qylmystyq jaýapkershilikke tartylyp, qanshasynyń qamaýǵa alynǵanyn jariialai almaimyz», - dedi Ishki ister ministrligi tergeý departamentiniń basshysy Sanjar Ádilov Úkimet otyrysynan keiin tilshilerge.
Degenmen ol Qordaidaǵy qaqtyǵys boiynsha qamaýǵa alynǵandar baryn jetkizdi.
«Qazirgi ýaqytta QR Qylmystyq kodeksiniń 99-baby (kisi óltirý) baby boiynsha 11 qylmystyq is qozǵalǵan», - dedi ol.
