Jambyl oblysy Qordai aýdanynyń aýmaǵynda koronavirýs infektsiiasyna bailanysty qosymsha shekteý sharalary engiziledi, dep habarlaidy "Ult aqparat" oblys ákiminiń baspasóz qyzmetine silteme jasap.
Shekteý sharalary:
1) Tómendegi jaǵdailardy qospaǵanda, Qordai aýdanynyń eldi mekenderi arasynda halyqtyń, onyń ishinde qoǵamdyq kóliktiń qozǵalýyn 22.00 saǵattan 7.00 saǵatqa deiin shekteý:
- jumys ornynan anyqtama nemese qyzmettik kýáligi bolǵan kezde ǵana turǵylyqty jerinen jumys ornyna deiin jáne keri qarai júrip-turý;
- shuǵyl jaǵdai boiynsha meditsinalyq mekemege júginý;
- malyn jaiý;
- kútpegen TJ jáne adamnyń ómiri men densaýlyǵyna qaýip tóndiretin basqa da jaǵdailar bolǵan jaǵdaida úiden shyǵý;
2) aýdan turǵyndaryna týysqandaryna, tanystaryna, kórshilerine, áriptesterine jáne t. b. barýǵa jol berilmeidi;
3) shekaralyq baqylaý-ótkizý beketterinde tranzittik júk avtokólikterin, sondai-aq Jambyl oblysynyń ónerkásip, aýyl sharýashylyǵy kásiporyndarynyń úzdiksiz jumys isteýin jáne tynys-tirshiligin qamtamasyz etý úshin azyq-túlik taýarlary, dárilik zattar jáne meditsinalyq buiymdar, óndiristik taýarlar jáne materialdary bar avtokólikti qospaǵanda, avtokóliktiń barlyq túrleriniń saǵat 19.00-den 10.00-ge deiin kirýine tyiym salynady;
4) koronavirýs infektsiiasynyń bolýyna qatysty zerthanalyq tekserý nátijesi berilgenge sheiin Qazaqstan Respýblikasynyń aýmaǵyna keletin azamattardy bir kúndik statsionarlyq karantinge mindetti túrde ornalastyrý engiziledi.
5) sondai-aq aýdanda qoǵamdyq kólik pen taksi qozǵalysy shekteledi;
6) Qordai aýdanynyń aýmaǵyna (aýmaǵynan) tómendegi jaǵdaiardy qospaǵanda saǵat 19:00-den 7:00-ge deiin avtokólik quraldarynyń kirýine jáne shyǵýyna shekteý engiziledi:
- tranzittik júk avtokóligi, sondai-aq azyq-túlik taýarlary bar júk avtokóligi jáne tirshilik áreketin qamtamasyz etý qyzmetteri;
- shuǵyl jaǵdai boiynsha meditsinalyq mekemege shyǵý;
- turǵylyqty jerinen jumys ornyna deiin júrip-turý jáne keri qaitý jaǵdaiynda jumys ornynan anyqtama nemese qyzmettik kýáliginiń bolýy.
