Aýrýhanaǵa josparly túrde jatýy kerek azamattar portalǵa qoiylǵan-qoiylmaǵanyn qalai tekserý kerek ekenin bilmeidi, dep habarlaidy "Ult aqparat".
«Aýrýhanaǵa josparly túrde jatý úshin aldymen portalǵa tirkelý kerek ekenin kóbi biledi, biraq turǵyndardyń aryz-shaǵymynyń 25%-y portalmen bailanysty. Mysaly, portal arqyly kezek kútý ýaqyty uzaq ekendigine, aimaqtyq nemese respýblikalyq aýrýhana portaldy jaýyp tastaǵanyna, portaldyń ashylmai turǵanyna, aýrýhana portal arqyly qabyldamaitynyna qatysty shaǵymdar. Negizi statistika boiynsha, portal arqyly kútý ýaqyty 3 aptadan aspaidy», - deidi QR Densaýlyq saqtaý ministrligi Tsifrlandyrý ofisiniń baspasóz habarlamasynda.
Onyń aitýynsha, azamattar portalǵa qoiylǵan-qoiylmaǵanyn qalai tekserý kerektigin bilmeidi.
«Bul máseleni sheshý úshin Qazaqstan Respýblikasy aýmaǵynda www.bg.eisz.kz portaly jumys isteidi. Bul jerde siz JSN, aty-jónińiz ben tegińizdi engizý arqyly aýrýhanaǵa josparly túrde jatýdyń ýaqyty men ornyn, barlyq aimaqtyq jáne respýblikalyq aýrýhanalardaǵy kútý paraǵyn jáne tolyq aqparat bilý úshin ár aimaq boiynsha bailanys nómirlerin kóre alasyz», - deidi baspasóz hatshysy.
Aita ketý kerek, qazrgi ýaqytta QR Densaýlyq saqtaý ministrligi egov.kz-pen birigip aýrýhanaǵa josparly túrde jatý ýaqyty men orny týraly SMS-habarlamany avtomatty túrde jiberetin baǵdarlama daiyndap jatyr.
