Jeke tulǵalarǵa salyq salý jeńildetiledi. Bul týraly Parlament Májilisiniń jalpy otyrysynda Ulttyq ekonomika ministri Rýslan Dálenov málim etti, dep habarlaidy "Ult aqparat".
Búgin jalpy otyrysta «Qazaqstan Respýblikasynyń keibir zańnamalyq aktilerine salyq salý jáne investitsiialyq ahýaldy jetildirý máseleleri boiynsha ózgerister men tolyqtyrýlar engizý týraly» zańynyń jobasy talqylanyp jatyr.
«Salyq elementterin (salyq salý obektisi, salyq bazasy, mólsherlemesin, esepteý jáne tóleý tártibin) ózgertpei jeke tulǵalardyń múlik jáne jer salyqtaryn biriktirý usynylady, 2 salyq biryńǵai tólemmen tólenedi. Bul rette, kóppáterli turǵyn úilerdiń ieleri úshin jer salyǵyn alyp tastaý usynylady», - dedi ministr.
R. Dálenovtyń sózine qaraǵanda, salyq tóleýshilerge qolaily bolý maqsatynda kólik salyǵyn tóleý merzimin biylǵy 31 jeltoqsanynan kelesi jyldyń 1 sáýirine aýystyrý usynylyp otyr.
