Qazaqstan halqy Assambleiasynyń Ǵylymi-sarapshylyq Keńesi jáne Qazaqstan Respýblikasy Prezidentiniń janyndaǵy Memlekettik basqarý akademiiasynyń uiytqy bolýymen ótkizilgen «Qazirgi zaman dilindegi etnostylyq jáne konfessionaldyq: ádisnama jáne zertteý máseleleri» halyqaralyq ǵylymi-praktikalyq seminarda kópetnosty qoǵamdaǵy rýhani jańǵyrý protsesteri talqylandy.
Basty maqsaty rýhani jańǵyrý protsesindegi jańa fenomenderdi jáne jahandaný táýekelderiniń jaǵdaiynda ulttyq kodty saqtaý máselelerin eksperttik talqylaý bolyp tabylatyn ǵylymi-praktikalyq seminar jumysyna Qazaqstan halqy Assambleiasy Ǵylymi-sarapshylyq Keńesi jáne oblystyq ǵylymi-sarapshylyq top músheleri, Qazaqstan halqy Assambleiasy hatshylyǵy, etnomádeni birlestik ókilderi, ǵalymdar, zertteýshiler, etnosaralyq qatynastar máselesi boiynsha memlekettik qyzmetshiler jáne sarapshylar qatysty.
Plenarlyq otyrys barysynda sóz alǵan Qazaqstan halqy Assambleiasy Hatshylyǵy meńgerýshisiniń orynbasary Leonid Prokopenko qazirgi Qazaqstannyń jańa damý kezeńi bizdi jańa úndeýlerge bastaityndyǵyn, memleketimizdiń aldynda turǵan mindetterdi sheshý úshin jańa kózqarastar qajettiligine, búgingi seminarda qarastyrylatyn baiandamalardyń ózektiligi soǵan jaýap retinde beriletindigine basa nazar aýdardy.
Akademiianyń strategiialyq damý, zertteý jumysy jáne halyqaralyq áriptestik jónindegi vitse-rektory Aigúl Kósherbaeva óziniń kirispe sózinde: «Búgingi jahandaný zamanynda memlekettiń, bilim berý salasynyń, otbasynyń qýatty institýttary ómir súrýdiń, adamdar arasyndaǵy qarym-qatynastyń jańa úlgilerin, qundylyqtar júiesin qurýda. Bul jaǵdaida bizge jańa zertteýlik kózqarastar, saraptamalyq tujyrymdar jáne sarapshylyq pikirler óte qajet. Sondyqtan, búgingi seminardyń qarary men usynymdary Qazaqstan halqy Assambleiasy úshin de, memlekettik basqarý organdarynyń ókilderi de úshin de paidaly bolady degen senimdemin», - dep pikir bildirdi.
Spikerler retinde sharaǵa qatysqan sheteldik sarapshylar – Tatarstan Respýblikasy Sh.Mardjani atyndaǵy tarih institýtynyń aǵa ǵylymi qyzmetkeri Zýfar Mahmýtov «Vkontakte» áleýmettik jelisindegi tatar tobynyń úlgisinde virtýaldy etnikalyq qaýymdastyqtardy biregeilikti qalyptastyrý tetigi retinde zerdeleý máselesine toqtaldy.
Áýlie Kliment Ohridskii atyndaǵy Sofiia ýniversitetiniń professory Tatiana Dronzina mediatsiiany kópmádenietti qoǵamdaǵy etnokonfessionaldy toptardyń arasyndaǵy qatynastardy nyǵaitý quraly retinde qarastyrdy.
Qazaqstan Respýblikasy Prezidentiniń janyndaǵy Memlekettik basqarý akademiiasynyń qaýymdastyrylǵan professory Nazigúl Tólenbergenova men L.N. Gýmilev atyndaǵy Eýraziia ulttyq ýniversiteti janyndaǵy Zamanaýi zertteýler institýtynyń direktory Muhit-Ardager Sydyqnazarov ulttyq álipbidiń reformalaryna, tildik quzyrettilik jáne qazaq jazýyn latyn álipbiine kóshirýdiń keibir máselelerine keńirek toqtaldy.
Seminar jumysyna onlain-rejiminde qatysqan Omsk gýmanitarlyq akademiiasynyń professory Oleg Lýchko Omsk oblysy men Qazaqstan Respýblikasynyń úlgisi negizinde shekaralas aimaqtardaǵy vektorly bilim berý migratsiiasyn etnostyq jáne konfessionaldyq kóptúrlilik faktory retindegi mańyzyna toqtalsa, Belarýs Respýblikasy Prezidentiniń janyndaǵy Basqarý akademiiasy Memlekettik basqarý teoriiasy men tájiribesi ǵylymi-zertteý institýty Memlekettik kadrlyq saiasat zerttý ortalyǵy Kadrlyq jumys tehnologiiasy bóliminiń basshysy, Svetlana Aleinikova Belarýstegi memleket pen din máseleleri týraly aqparatty dissertatsiialyq zertteýlerge sholý júrgizý arqyly qatysýshylarǵa usyndy.
Ǵylymi-praktikalyq seminar barysynda rýhani jáne qoǵamdyq sanany jańǵyrtýdyń paradigmasy men etnostyq jáne konfessiialyq alýandyq zamanaýi tegeýrindi talaptarǵa jaýap retinde: jańa bolmysy jáne ǵylymi izdenister baǵyttary boiynsha eki paneldik diskýssiia júrgizildi.
.jpeg)