30 shilde túnde Shalǵai Qarasý aýdanynda jeke turǵyn úi órtendi. Oqiǵa ornyna kelgen qutqarýshylar úiden áieldi shyǵaryp, aýrýhanaǵa jetkizgen, alaida ol kóp uzamai qaitys boldy. Marqumdy jaqynda túrmeden shyqqan jubaiy jazalaǵany belgili boldy, dep habarlaidy "Ult aqparat" Orda.kz basylymyna silteme jasap.
Órt týraly habarlama TJD-na túngi 11-de kelip tústi. 100 sharshy metrdi sharpyǵan órt 30 minýt boiy sóndirildi. Qutqarýshylar órttiń sebebi - qasaqana órteý bolýy múmkin deidi.
"Jedel járdem 1980 jyly týǵan áieldi aýyr jaǵdaida, termiialyq kúiikpen aýrýhanaǵa jetkizdi. Osy órt boiynsha jinalǵan qujattar PB-2-ge tapsyryldy. Órt-tehnikalyq saraptama taǵaiyndaldy", - dep habarlady Jambyl oblysy TJD.
Qaitys bolǵan áiel alty balanyń anasy bolyp shyqty. Qaiǵyly oqiǵadan keiin politsiia jubaiyn izdei bastady. Alaida er adam qaiǵyly oqiǵa bolǵan jerden óli kúiinde tabyldy. Bizdiń aqparatymyzǵa sáikes, kóp balaly áke áieline benzin quiyp, órtep jibergen soń ózi baryp asylyp qalǵan.
"54 jastaǵy er adam jaqynda túrmeden bosap shyqqan. Áielimen turmystyq janjal kezinde ol úidi órtep jibergen. Áiel alǵan kúiikterinen aýrýhanada qaitys boldy. Kúdiktiniń qaitys bolǵany anyqtaldy, ólimniń aldyn-ala sebebi — sýitsid", - dep túsindirdi PD.
Politseiler barlyq qajetti saraptamalardy taǵaiyndap, qaiǵyly oqiǵanyń mán-jaiyn anyqtaýda.
