30 شٸلدە تٷندە شالعاي قاراسۋ اۋدانىندا جەكە تۇرعىن ٷي ٶرتەندٸ. وقيعا ورنىنا كەلگەن قۇتقارۋشىلار ٷيدەن ەيەلدٸ شىعارىپ, اۋرۋحاناعا جەتكٸزگەن, الايدا ول كٶپ ۇزاماي قايتىس بولدى. مارقۇمدى جاقىندا تٷرمەدەن شىققان جۇبايى جازالاعانى بەلگٸلٸ بولدى, دەپ حابارلايدى "ۇلت اقپارات" Orda.kz باسىلىمىنا سٸلتەمە جاساپ.
ٶرت تۋرالى حابارلاما تجد-نا تٷنگٸ 11-دە كەلٸپ تٷستٸ. 100 شارشى مەتردٸ شارپىعان ٶرت 30 مينۋت بويى سٶندٸرٸلدٸ. قۇتقارۋشىلار ٶرتتٸڭ سەبەبٸ - قاساقانا ٶرتەۋ بولۋى مٷمكٸن دەيدٸ.
"جەدەل جەردەم 1980 جىلى تۋعان ەيەلدٸ اۋىر جاعدايدا, تەرمييالىق كٷيٸكپەن اۋرۋحاناعا جەتكٸزدٸ. وسى ٶرت بويىنشا جينالعان قۇجاتتار پب-2-گە تاپسىرىلدى. ٶرت-تەحنيكالىق ساراپتاما تاعايىندالدى", - دەپ حابارلادى جامبىل وبلىسى تجد.
قايتىس بولعان ەيەل التى بالانىڭ اناسى بولىپ شىقتى. قايعىلى وقيعادان كەيٸن پوليتسييا جۇبايىن ٸزدەي باستادى. الايدا ەر ادام قايعىلى وقيعا بولعان جەردەن ٶلٸ كٷيٸندە تابىلدى. بٸزدٸڭ اقپاراتىمىزعا سەيكەس, كٶپ بالالى ەكە ەيەلٸنە بەنزين قۇيىپ, ٶرتەپ جٸبەرگەن سوڭ ٶزٸ بارىپ اسىلىپ قالعان.
"54 جاستاعى ەر ادام جاقىندا تٷرمەدەن بوساپ شىققان. ەيەلٸمەن تۇرمىستىق جانجال كەزٸندە ول ٷيدٸ ٶرتەپ جٸبەرگەن. ەيەل العان كٷيٸكتەرٸنەن اۋرۋحانادا قايتىس بولدى. كٷدٸكتٸنٸڭ قايتىس بولعانى انىقتالدى, ٶلٸمنٸڭ الدىن-الا سەبەبٸ — سۋيتسيد", - دەپ تٷسٸندٸردٸ پد.
پوليتسەيلەر بارلىق قاجەتتٸ ساراپتامالاردى تاعايىنداپ, قايعىلى وقيعانىڭ مەن-جايىن انىقتاۋدا.
