Búgin QR Premer-Ministri Asqar Maminniń tóraǵalyǵymen ótken Úkimet otyrysynda Indýstriia jáne infraqurylymdyq damý ministrliginiń Memleket basshysynyń «Nur Otan» partiiasynyń sezinde bergen tapsyrmalaryn oryndaý boiynsha ázirlegen sharalar kesheni qaraldy. Turǵyn úimen qamtamasyz etý jumysyn jandandyrý jáne joldardyń salynýyn arttyrý týraly indýstriia jáne infraqurylymdyq damý ministri Roman Skliar baiandady, dep habarlaidy "Ult aqparat" primeminister.kz saityna silteme jasap.
QR IIDM derekteri boiynsha, jalpy Qazaqstanda 340 myń kópbalaly otbasy bar, onyń ishinde qazirgi kezde 28 myń otbasy turǵyn úi kezeginde tur. Memleket basshysynyń tapsyrmasyna sáikes, 7 jyl ishinde jyl saiyn 6 myń jaldamaly páter salynady. 2025 jylǵa deiin 40 myńnan astam jaldamaly páter salynatyn bolady.
«Búgingi kúni kezekte turǵan az qamtamasyz etilgen kópbalaly otbasylardyń máselesi tolyq sheshiletin bolady. Biyl mamyr aiynda biz kópbalaly otbasylarǵa jaldamaly páterler berýdi bastaimyz», — dedi R. Skliar.
Ministrdiń aitýynsha, bir eń tómengi jalaqydan az kisiri bar az qamtylǵan otbasylarǵa Turǵyn úi qurylys jinaq banki arqyly 20 jylǵa jyldyq mólsherlemesi 2%-dy quraityn jeńildetilgen nesie engizilýde.
Atalǵan nesie túri kelesi sanattaǵylarǵa beriletin bolady:
-
4 jáne odan kóp balasy bar kópbalaly otbasylarǵa;
-
Múmkindigi shekteýli balasy bar nemese tárbielep otyrǵan otbasylarǵa;
-
kámeletke tolmaǵan balalary bar tolyq emes otbasylarǵa.
«2 jylda biz kórsetilgen sanattaǵylar úshin 22,5 myń jeńildetilgen zaimdar berýdi kózdep otyrmyz. Bul úshin 3 jyl ishinde respýblikalyq biýdjetten jyl saiyn 50 mlrd teńgeden bólinetin bolady», — dedi R. Skliar.
Sonymen qatar, tapsyrmalardy oryndaý aiasynda joldardyń qurylysyna, qalalyq jáne aýyldyq infraqurylymdy damytýǵa, jergilikti jelilerdegi joldarǵa respýblikalyq jáne jergilikti biýdjetten paritetti negizde 150 mlrd teńgeden astam qarjy bólinýde. Qosymsha qarajattyń bólinýin eskergende qarjylandyrý kólemi 200 mlrd teńgeni quraidy. Bul qarjy 5 myń shaqyrymnan astam joldy jóndeýge múmkindik beredi.
«Joldardy jóndeý boiynsha jobalar tizbesi jasaldy. Mundaǵy negizgi basymdyq aýyldyq eldi mekenderdi damytýǵa baǵyttalǵan. Atalǵan sharalar, 2025 jyldyń sońyna qarai jergilikti jelidegi joldardyń 95% jaqsartýǵa jol ashady», — dedi R. Skliar.
Buǵan qosa, búginde QR IIDM ákimdiktermen birlesip sýmen jabdyqtaý jáne sý tartý salalarynda jobalar tizbesin jasady. Jyl saiyn sýmen jabdyqtaý jáne sý tartý boiynsha eń ózekti máselelerdi sheshýge baǵyttalatyn 20 mlrd teńge kóleminde qosymsha qarjy bólinetin bolady.
Jobalardy iske asyrý nátijesinde 2025 jylǵa qarai qala turǵyndaryn ortalyqtandyrylǵan sýmen jabdyqtaý 100% qamtamasyz etiledi.
Sondai-aq, R. Skliardyń aitýynsha, iri qalalardyń shetki aimaqtarynyń problemalaryn sheshý úshin jyl saiyn 30 mlrd teńgeden 90 mlrd teńge qarastyrylǵan. Ol qala mańyndaǵy eldi mekenderdiń infraqurylymyn jaqsartady. Biyl ákimdikter sýmen jabdyqtaý jáne sý tartý, sonymen qatar jol qurylysy salalarynda jobalyq-smetalyq qujattamalardy daiyndady jáne iske asyrýǵa daiyn.
