بٷگٸن قر پرەمەر-مينيسترٸ اسقار ماميننٸڭ تٶراعالىعىمەن ٶتكەن ٷكٸمەت وتىرىسىندا يندۋسترييا جەنە ينفراقۇرىلىمدىق دامۋ مينيسترلٸگٸنٸڭ مەملەكەت باسشىسىنىڭ «نۇر وتان» پارتيياسىنىڭ سەزٸندە بەرگەن تاپسىرمالارىن ورىنداۋ بويىنشا ەزٸرلەگەن شارالار كەشەنٸ قارالدى. تۇرعىن ٷيمەن قامتاماسىز ەتۋ جۇمىسىن جانداندىرۋ جەنە جولداردىڭ سالىنۋىن ارتتىرۋ تۋرالى يندۋسترييا جەنە ينفراقۇرىلىمدىق دامۋ مينيسترٸ رومان سكليار باياندادى, دەپ حابارلايدى "ۇلت اقپارات" primeminister.kz سايتىنا سٸلتەمە جاساپ.
قر ييدم دەرەكتەرٸ بويىنشا, جالپى قازاقستاندا 340 مىڭ كٶپبالالى وتباسى بار, ونىڭ ٸشٸندە قازٸرگٸ كەزدە 28 مىڭ وتباسى تۇرعىن ٷي كەزەگٸندە تۇر. مەملەكەت باسشىسىنىڭ تاپسىرماسىنا سەيكەس, 7 جىل ٸشٸندە جىل سايىن 6 مىڭ جالدامالى پەتەر سالىنادى. 2025 جىلعا دەيٸن 40 مىڭنان استام جالدامالى پەتەر سالىناتىن بولادى.
«بٷگٸنگٸ كٷنٸ كەزەكتە تۇرعان از قامتاماسىز ەتٸلگەن كٶپبالالى وتباسىلاردىڭ مەسەلەسٸ تولىق شەشٸلەتٸن بولادى. بيىل مامىر ايىندا بٸز كٶپبالالى وتباسىلارعا جالدامالى پەتەرلەر بەرۋدٸ باستايمىز», — دەدٸ ر. سكليار.
مينيستردٸڭ ايتۋىنشا, بٸر ەڭ تٶمەنگٸ جالاقىدان از كٸسٸرٸ بار از قامتىلعان وتباسىلارعا تۇرعىن ٷي قۇرىلىس جيناق بانكٸ ارقىلى 20 جىلعا جىلدىق مٶلشەرلەمەسٸ 2%-دى قۇرايتىن جەڭٸلدەتٸلگەن نەسيە ەنگٸزٸلۋدە.
اتالعان نەسيە تٷرٸ كەلەسٸ ساناتتاعىلارعا بەرٸلەتٸن بولادى:
-
4 جەنە ودان كٶپ بالاسى بار كٶپبالالى وتباسىلارعا;
-
مٷمكٸندٸگٸ شەكتەۋلٸ بالاسى بار نەمەسە تەربيەلەپ وتىرعان وتباسىلارعا;
-
كەمەلەتكە تولماعان بالالارى بار تولىق ەمەس وتباسىلارعا.
«2 جىلدا بٸز كٶرسەتٸلگەن ساناتتاعىلار ٷشٸن 22,5 مىڭ جەڭٸلدەتٸلگەن زايمدار بەرۋدٸ كٶزدەپ وتىرمىز. بۇل ٷشٸن 3 جىل ٸشٸندە رەسپۋبليكالىق بيۋدجەتتەن جىل سايىن 50 ملرد تەڭگەدەن بٶلٸنەتٸن بولادى», — دەدٸ ر. سكليار.
سونىمەن قاتار, تاپسىرمالاردى ورىنداۋ اياسىندا جولداردىڭ قۇرىلىسىنا, قالالىق جەنە اۋىلدىق ينفراقۇرىلىمدى دامىتۋعا, جەرگٸلٸكتٸ جەلٸلەردەگٸ جولدارعا رەسپۋبليكالىق جەنە جەرگٸلٸكتٸ بيۋدجەتتەن پاريتەتتٸ نەگٸزدە 150 ملرد تەڭگەدەن استام قارجى بٶلٸنۋدە. قوسىمشا قاراجاتتىڭ بٶلٸنۋٸن ەسكەرگەندە قارجىلاندىرۋ كٶلەمٸ 200 ملرد تەڭگەنٸ قۇرايدى. بۇل قارجى 5 مىڭ شاقىرىمنان استام جولدى جٶندەۋگە مٷمكٸندٸك بەرەدٸ.
«جولداردى جٶندەۋ بويىنشا جوبالار تٸزبەسٸ جاسالدى. مۇنداعى نەگٸزگٸ باسىمدىق اۋىلدىق ەلدٸ مەكەندەردٸ دامىتۋعا باعىتتالعان. اتالعان شارالار, 2025 جىلدىڭ سوڭىنا قاراي جەرگٸلٸكتٸ جەلٸدەگٸ جولداردىڭ 95% جاقسارتۋعا جول اشادى», — دەدٸ ر. سكليار.
بۇعان قوسا, بٷگٸندە قر ييدم ەكٸمدٸكتەرمەن بٸرلەسٸپ سۋمەن جابدىقتاۋ جەنە سۋ تارتۋ سالالارىندا جوبالار تٸزبەسٸن جاسادى. جىل سايىن سۋمەن جابدىقتاۋ جەنە سۋ تارتۋ بويىنشا ەڭ ٶزەكتٸ مەسەلەلەردٸ شەشۋگە باعىتتالاتىن 20 ملرد تەڭگە كٶلەمٸندە قوسىمشا قارجى بٶلٸنەتٸن بولادى.
جوبالاردى ٸسكە اسىرۋ نەتيجەسٸندە 2025 جىلعا قاراي قالا تۇرعىندارىن ورتالىقتاندىرىلعان سۋمەن جابدىقتاۋ 100% قامتاماسىز ەتٸلەدٸ.
سونداي-اق, ر. سكلياردىڭ ايتۋىنشا, ٸرٸ قالالاردىڭ شەتكٸ ايماقتارىنىڭ پروبلەمالارىن شەشۋ ٷشٸن جىل سايىن 30 ملرد تەڭگەدەن 90 ملرد تەڭگە قاراستىرىلعان. ول قالا ماڭىنداعى ەلدٸ مەكەندەردٸڭ ينفراقۇرىلىمىن جاقسارتادى. بيىل ەكٸمدٸكتەر سۋمەن جابدىقتاۋ جەنە سۋ تارتۋ, سونىمەن قاتار جول قۇرىلىسى سالالارىندا جوبالىق-سمەتالىق قۇجاتتامالاردى دايىندادى جەنە ٸسكە اسىرۋعا دايىن.
