Kópbalaly otbasylar úshin 40 myń jaldamaly páter salynady. Bul týraly búgin "Nur Otan" partiiasynyń kezekti XVIII sezinde Memleket basshysy Nursultan Nazarbaev aitty, dep habarlaidy "Ult aqparat".
Sezd barysynda Prezident Úkimetke "Nurly jer" baǵdarlamasyn keńeitip, onyń aiasynda kópbalaly otbasylarǵa 40 myń jaldamaly páter salýdy tapsyrdy. Bul sharaǵa jyl saiyn 50 mlrd teńge bólinetin bolady.
Aita keteiik, Elordadaǵy Táýelsizdik saraiynda Elbasy Nursultan Nazarbaevtyń tóraǵalyǵymen "Nur Otan" partiiasynyń kezekti XVIII sezi ótip jatyr.
Sezd «Nur Otan» partiiasynyń 20 jyldyǵyna orai uiymdastyrylyp otyr. Onda birneshe máseleni qarastyrý kózdelgen.
Eń aldymen «Nur Otan» partiiasynyń 2030 jylǵa deiingi baǵdarlamasy týraly másele qozǵalady. Odan keiin partiianyń Jarǵysyna ózgerister men tolyqtyrýlar qarastyrylyp, partiia Saiasi keńesiniń jəne Ortalyq baqylaý-tekserý komissiiasynyń esepti kezeń boiynsha jumysynyń qorytyndylary shyǵarylady. Sonymen qatar partiia Saiasi keńesiniń jəne Ortalyq baqylaý-tekserý komissiiasynyń músheleri sailanatyn bolady.
Sezd jumysyna 2 myńǵa jýyq adam qatysýda. Olardyń 1200-i - elimizdiń barlyq óńirlerinen kelgen delegattar, al qalǵan 800-ge jýyǵy - qonaqtar.
