كٶپبالالى وتباسىلار ٷشٸن 40 مىڭ جالدامالى پەتەر سالىنادى. بۇل تۋرالى بٷگٸن "نۇر وتان" پارتيياسىنىڭ كەزەكتٸ XVIII سەزٸندە مەملەكەت باسشىسى نۇرسۇلتان نازارباەۆ ايتتى, دەپ حابارلايدى "ۇلت اقپارات".
سەزد بارىسىندا پرەزيدەنت ٷكٸمەتكە "نۇرلى جەر" باعدارلاماسىن كەڭەيتٸپ, ونىڭ اياسىندا كٶپبالالى وتباسىلارعا 40 مىڭ جالدامالى پەتەر سالۋدى تاپسىردى. بۇل شاراعا جىل سايىن 50 ملرد تەڭگە بٶلٸنەتٸن بولادى.
ايتا كەتەيٸك, ەلورداداعى تەۋەلسٸزدٸك سارايىندا ەلباسى نۇرسۇلتان نازارباەۆتىڭ تٶراعالىعىمەن "نۇر وتان" پارتيياسىنىڭ كەزەكتٸ XVIII سەزٸ ٶتٸپ جاتىر.
سەزد «نۇر وتان» پارتيياسىنىڭ 20 جىلدىعىنا وراي ۇيىمداستىرىلىپ وتىر. وندا بٸرنەشە مەسەلەنٸ قاراستىرۋ كٶزدەلگەن.
ەڭ الدىمەن «نۇر وتان» پارتيياسىنىڭ 2030 جىلعا دەيٸنگٸ باعدارلاماسى تۋرالى مەسەلە قوزعالادى. ودان كەيٸن پارتييانىڭ جارعىسىنا ٶزگەرٸستەر مەن تولىقتىرۋلار قاراستىرىلىپ, پارتييا ساياسي كەڭەسٸنٸڭ جəنە ورتالىق باقىلاۋ-تەكسەرۋ كوميسسيياسىنىڭ ەسەپتٸ كەزەڭ بويىنشا جۇمىسىنىڭ قورىتىندىلارى شىعارىلادى. سونىمەن قاتار پارتييا ساياسي كەڭەسٸنٸڭ جəنە ورتالىق باقىلاۋ-تەكسەرۋ كوميسسيياسىنىڭ مٷشەلەرٸ سايلاناتىن بولادى.
سەزد جۇمىسىنا 2 مىڭعا جۋىق ادام قاتىسۋدا. ولاردىڭ 1200-ٸ - ەلٸمٸزدٸڭ بارلىق ٶڭٸرلەرٸنەن كەلگەن دەلەگاتتار, ال قالعان 800-گە جۋىعى - قوناقتار.
