Almatyda kópáieldilikti nasihattaǵan kontent avtory politsiiaǵa jetkizildi, dep habarlaidy ult.kz.
Almaty politsiiasy áleýmettik jelilerde kópáieldilikti nasihattaǵan kontent avtoryna qatysty ákimshilik shara qabyldap, profilaktikalyq áńgimelesý júrgizdi.
Sońǵy kúnderi BAQ pen áleýmettik jelilerde bloger Baýyrjan Baqytjanulynyń kópáieldilik taqyrybyndaǵy videolary qyzý talqylanǵan bolatyn. Osyǵan bailanysty Almaty qalalyq politsiia departamenti monitoring júrgizip, zań talaptaryna qaishy jariialanymdardy anyqtady.
Politsiianyń málimetinshe, jariialanǵan materialdarda Qazaqstan Respýblikasynyń zańnamasyna jáne qoǵamda qalyptasqan moraldyq-adamgershilik qundylyqtarǵa qaishy keletin ómir salty ashyq nasihattalǵan.
Osyǵan bailanysty avtordyń jeke basy anyqtalyp, oǵan QR Ákimshilik quqyq buzýshylyq týraly kodeksiniń 456-2-babynyń 3-1-bóligi boiynsha ákimshilik quqyq buzýshylyq týraly hattama toltyryldy.
Vedomstvonyń habarlaýynsha, profilaktikalyq áńgimelesýden keiin azamat áleýmettik jelidegi paraqshasyndaǵy daýly jariialanymdardy óz erkimen óshirgen.
Almaty politsiiasy áleýmettik jeliler qoǵamdyq aqparattyq keńistik ekenin eske salyp, zań talaptaryna jáne otbasy institýtyna qurmetti tómendetetin kontentti taratý zańmen belgilengen jaýapkershilikke ákeletinin eskertti.
Eske salaiyq, buǵan deiin mektepterde zańsyz dini ýaǵyz ben kópáieldilikti nasihattaýǵa tosqaýyl qoiý máselesi kóterilgen bolatyn.
