الماتىدا كٶپەيەلدٸلٸكتٸ ناسيحاتتاعان كونتەنت اۆتورى پوليتسيياعا جەتكٸزٸلدٸ, دەپ حابارلايدى ult.kz.
الماتى پوليتسيياسى ەلەۋمەتتٸك جەلٸلەردە كٶپەيەلدٸلٸكتٸ ناسيحاتتاعان كونتەنت اۆتورىنا قاتىستى ەكٸمشٸلٸك شارا قابىلداپ, پروفيلاكتيكالىق ەڭگٸمەلەسۋ جٷرگٸزدٸ.
سوڭعى كٷندەرٸ باق پەن ەلەۋمەتتٸك جەلٸلەردە بلوگەر باۋىرجان باقىتجانۇلىنىڭ كٶپەيەلدٸلٸك تاقىرىبىنداعى ۆيدەولارى قىزۋ تالقىلانعان بولاتىن. وسىعان بايلانىستى الماتى قالالىق پوليتسييا دەپارتامەنتٸ مونيتورينگ جٷرگٸزٸپ, زاڭ تالاپتارىنا قايشى جارييالانىمداردى انىقتادى.
پوليتسييانىڭ مەلٸمەتٸنشە, جارييالانعان ماتەريالداردا قازاقستان رەسپۋبليكاسىنىڭ زاڭناماسىنا جەنە قوعامدا قالىپتاسقان مورالدىق-ادامگەرشٸلٸك قۇندىلىقتارعا قايشى كەلەتٸن ٶمٸر سالتى اشىق ناسيحاتتالعان.
وسىعان بايلانىستى اۆتوردىڭ جەكە باسى انىقتالىپ, وعان قر ەكٸمشٸلٸك قۇقىق بۇزۋشىلىق تۋرالى كودەكسٸنٸڭ 456-2-بابىنىڭ 3-1-بٶلٸگٸ بويىنشا ەكٸمشٸلٸك قۇقىق بۇزۋشىلىق تۋرالى حاتتاما تولتىرىلدى.
ۆەدومستۆونىڭ حابارلاۋىنشا, پروفيلاكتيكالىق ەڭگٸمەلەسۋدەن كەيٸن ازامات ەلەۋمەتتٸك جەلٸدەگٸ پاراقشاسىنداعى داۋلى جارييالانىمداردى ٶز ەركٸمەن ٶشٸرگەن.
الماتى پوليتسيياسى ەلەۋمەتتٸك جەلٸلەر قوعامدىق اقپاراتتىق كەڭٸستٸك ەكەنٸن ەسكە سالىپ, زاڭ تالاپتارىنا جەنە وتباسى ينستيتۋتىنا قۇرمەتتٸ تٶمەندەتەتٸن كونتەنتتٸ تاراتۋ زاڭمەن بەلگٸلەنگەن جاۋاپكەرشٸلٸككە ەكەلەتٸنٸن ەسكەرتتٸ.
ەسكە سالايىق, بۇعان دەيٸن مەكتەپتەردە زاڭسىز دٸني ۋاعىز بەن كٶپەيەلدٸلٸكتٸ ناسيحاتتاۋعا توسقاۋىل قويۋ مەسەلەسٸ كٶتەرٸلگەن بولاتىن.
