Konstitýtsiianyń 91-babyna eshqashan, eshqandai ózgeris engizilmeidi. Bul jaiynda búgin Parlament palatalarynyń birlesken otyrysynda QR Prezidenti Ákimshiliginiń basshysy, bilik tarmaqtary arasyndaǵy ókilettikti qaita bólý jónindegi jumys tobynyń jetekshisi Ádilbek Jaqsybekov málim etti, dep habarlaidy QazAqparat.
Otyrys barysynda Májilis depýtaty Baqytjan Ábdiraiym halyqpen kezdesýler barysynda eńkeigen qarttan kishkene balaǵa deiin Táýelsizdigimizdi qorǵaý máselesine qatysty ártúrli suraqtar qoiatyndyǵyn atap ótti.
«Jalpy, jurtshylyq Konstitýtsiianyń 91-babyna ózgerister engizýdi tolyqtai qoldap otyr. Osyǵan orai Táýelsizdigimizdi, iaǵni memlekettik Táýelsizdigimizdi qorǵaý jáne qamtamasyz etý úshin jumys toby naqty qandai sharalar usynady?» - dep surady Baqytjan Ábdiraiym Prezident ákimishiligi basshysynan.
«Bul týraly baiandamada da aittym. Osy másele boiynsha bizge de kóptegen suraqtar qoiyldy, usynystar keldi. Sondyqtan Prezident 91-bapqa Táýelsizdik negizgi qundylyq dep engizdi. Biz bul máseleni osylai sheshtik. Osy bapqa eshqashan, eshqandai ózgeris jasalmaidy», - dep jaýap berdi Ádilbek Jaqsybekov.
