2017 jyly 9 naýryzda "Qazaqstan Respýblikasynyń Konstitýtsiiasyna ózgerister men túzetýler engizý týraly" Qazaqstan Respýblikasy Zańynyń Qazaqstan Respýblikasy Konstitýtsiiasyna sáikestigin anyqtaý maqsatynda Konstitýtsiialyq Keńestiń normativtik qaýlysy jariia etildi, - dep habarlaidy "Ult aqparat" QR Konstitýtsiialyq Keńesiniń baspasóz qyzmetine silteme jasap.
Biyl 6 naýryzda Qazaqstan Respýblikasynyń Prezidenti atalǵan Zańdy Qazaqstan Respýblikasynyń Konstitýtsiiasyna, onyń ishinde Konstitýtsiiada belgilengen qundylyqtarǵa Respýblika qyzmetiniń túbegeili printsipterine, basqarý nysanyna sáikestigine qaraý týraly Konstitýtsiialyq Keńeske ótinish joldady. Konstitýtsiialyq Keńes óz sheshiminde 2017 jyly 6 naýryzda Qazaqstan Respýblikasynyń Parlamenti qabyldap, 2017 jyly 6 naýryzda Qazaqstan Respýblikasynyń Prezidentine qol qoiýǵa usynylǵan "Qazaqstan Respýblikasynyń Konstitýtsiiasyna ózgerister men tolyqtyrýlar engizý týraly" Qazaqstan Resýblikasynyń Zańy Qazaqstan Respýblikasynyń Konstitýtsiiasyna, onyń ishinde Respýblikanyń konstitýtsiialyq qundylyqtaryna, qyzmetiniń túbegeili printsipterine jáne basqarý nysanyna sáikes keledi dep qaýly etti.
Eske sala keteiik, 6 naýryzda Parlament Qazaqstan Konstitýtsiiasyna túzetýlerdi qabyldaǵan bolatyn. Birikken komissiia tóraǵasy Nurlan Ábdirovtiń aitýynsha, Prezident usynǵan zań jobasynda Konstitýtsiianyń 19 babyna 26 túzetý qarastyrylǵan.
.jpeg)