Konstitýtsiialyq keńes «Qazaqstan Respýblikasynyń Konstitýtsiiasyna ózgerister engizý týraly» QR zańy jobasynyń QR Konstitýtsiiasyna sáikestigin tekserip, arnaiy sheshim shyǵardy, dep habarlaidy "Ult aqparat" keńestiń resmi saityna silteme jasap.
Qazaqstan Respýblikasynyń Konstitýtsiialyq Keńesi óziniń ashyq otyrysynda Qazaqstan Respýblikasynyń Prezidenti Qasym-Jomart Toqaevtyń «Qazaqstan Respýblikasynyń Konstitýtsiiasyna ózgerister engizý týraly» Qazaqstan Respýblikasy Zańynyń jobasyn Qazaqstan Respýblikasynyń Konstitýtsiiasyna sáikes keletini týraly qorytyndy berý ótinishin qarady. Jiynǵa keńes tóraǵasy Q.Á. Mámi, keńes músheleri A.Q. Daýylbaev, V.A. Malinovskii, I.D. Merkel, Á.A. Temirbekov jáne Ý. Shapak qatysty.
Baiandamashy-Konstitýtsiialyq Keńes múshesi A.Q.Daýylbaevtyń habarlamasyn tyńdap, konstitýtsiialyq is júrgizý materialdaryn zerdelep, zańnamany taldap, Qazaqstan Respýblikasynyń Konstitýtsiialyq Keńesi
anyqtady:
Qazaqstan Respýblikasy Konstitýtsiialyq Keńesine 2019 jylǵy 20 naýryzda Qazaqstan Respýblikasy Prezidentiniń «Qazaqstan Respýblikasynyń Konstitýtsiiasyna ózgerister engizý týraly» Zań jobasynyń Qazaqstan Respýblikasynyń Konstitýtsiiasyna sáikes nysanyna qorytyndy berý týraly ótinishi kelip tústi.
«Qazaqstan Respýblikasynyń Konstitýtsiiasyna ózgerister engizý týraly» Qazaqstan Respýblikasy Zańynyń jobasymen Konstitýtsiianyń 2-babynyń 3 tarmaǵy jańa redaktsiiada berilgen:
«3. Respýblikanyń ákimshilik-aýmaqtyq qurylysy, onyń astanasynyń mártebesi zańmen belgilenedi. Qazaqstannyń astanasy Nur-Sultan qalasy bolyp tabylady».
Konstitýtsiianyń 2-babynyń 3-1 tarmaqtaǵy «Astana» degen sóz «Nur-Sultan» degen sózben aýystyrylǵan.
Negizgi Zańnyń normalaryn ótinish nysanasyna qatysty taldap, Konstitýtsiialyq Keńes mynany negizge alady.
1. Qazaqstan Respýblikasy Konstitýtsiiasynyń 91-babynyń 3-tarmaǵyna sáikes «Respýblika Konstitýtsiiasyna engiziletin ózgerister men tolyqtyrýlar, olardyń osy baptyń 2-tarmaǵynda belgilengen talaptarǵa sáikes keletini týraly Konstitýtsiialyq Keńestiń qorytyndysy bolǵan jaǵdaida, respýblikalyq referendýmǵa nemese Respýblika Parlamentiniń qaraýyna shyǵarylady».
2. Qazaqstan Respýblikasynyń Konstitýtsiialyq Keńesi 2017 jylǵy 9 naýryzdaǵy № 1 normativtik qaýlysynda «Qazaqstan Respýblikasynyń Konstitýtsiiasyna ózgerister men tolyqtyrýlar engizý týraly» Qazaqstan Respýblikasynyń Zańymen (2017 jylǵy 10 naýryzda qol qoiǵan) airyqsha qorǵalatyn konstitýtsiialyq qundylyqtar tizbesi keńeitilgenin atap ótti: «Konstitýtsiiada belgilengen memlekettiń táýelsizdigi, Respýblikanyń birtutastyǵy men aýmaqtyq tutastyǵy, ony basqarý nysany, sondai-aq táýelsiz Qazaqstannyń Negizin salýshy, Qazaqstan Respýblikasynyń Tuńǵysh Prezidenti - Elbasy irgesin qalaǵan Respýblika qyzmetiniń túbegeili printsipteri jáne Qazaqstan Respýblikasynyń Tuńǵysh Prezidenti - Elbasynyń mártebesi ózgermeidi» (Konstitýtsiianyń 91-babynyń 2-tarmaǵy). Sol arqyly, óziniń konstitýtsiialyq mártebesi men jeke qasietteri arqasynda egemen Qazaqstannyń, onyń ishinde Negizgi Zańnyń konstitýtsiialyq qundylyqtary jáne Respýblika qyzmetiniń túbegeili printsipteri qalyptasýy men damýyna sheshýshi úles qosqan; Qazaqstannyń birligi, Konstitýtsiiasy, adamnyń jáne azamattyń quqyqtary men bostandyqtary qorǵalýyn qamtamasyz etken Nursultan Ábishuly Nazarbaevtyń jańa táýelsiz Qazaqstan memleketiniń Negizin salýshy retindegi tarihi missiiasy konstitýtsiialyq jolmen rastalady».
Qazaqstan Respýblikasynyń Konstitýtsiiasyna engiziletin ózgerister Qazaqstan Respýblikasy elordasy «Astana» astanasy «Nur-Sultan» dep atalýyna orai, Qazaqstan Respýblikasy Tuńǵysh Prezidentiniń Qazaqstan halqy aldyndaǵy tarihi rólin moiyndaýǵa jáne sińirgen eren eńbegin máńgi este saqtaýǵa bailanysty memlekettiń táýelsizdigi, respýblikanyń aýmaqtyq tutastyǵy, onyń basqarý nysandary máselelerin, sonymen qatar Táýelsiz Qazaqstannyń negizin qalaýshy, Qazaqstan Respýblikasynyń Tuńǵysh Prezidenti-Elbasy kepilge alǵan Respýblika qyzmetiniń túbegeili printsipterin qozǵamaidy jáne Qazaqstan Respýblikasy Konstitýtsiiasynyń 91-baby 3-tarmaǵynyń talaptaryna qaishy kelmeidi.
Baiandalǵannyń negizinde, Qazaqstan Respýblikasy Konstitýtsiiasynyń 72-babynyń 2-tarmaǵyn, 91-babynyń 3-tarmaǵyn, «Qazaqstan Respýblikasynyń Konstitýtsiialyq Keńesi týraly» 1995 jylǵy 29 jeltoqsandaǵy № 2737 Qazaqstan Respýblikasy Konstitýtsiialyq zańynyń 17-baby 4-tarmaǵynyń 1) tarmaqshasyn, 31-33, 37-baptaryn jáne 41-baby 1-tarmaǵynyń 2) tarmaqshasyn basshylyqqa ala otyryp, Qazaqstan Respýblikasy Konstitýtsiialyq Keńesi
sheshti:
1. «Qazaqstan Respýblikasynyń Konstitýtsiiasyna ózgerister engizý týraly» Qazaqstan Respýblikasy Zańynyń jobasy Qazaqstan Respýblikasynyń Konstitýtsiiasyna sáikes dep tanylsyn.
2. Qazaqstan Respýblikasy Konstitýtsiiasynyń 74-babynyń 3-tarmaǵyna sáikes Qazaqstan Respýblikasy Konstitýtsiialyq Keńesiniń qorytyndysy qabyldanǵan kúninen bastap kúshine enedi, respýblikanyń búkil aýmaǵynda jalpyǵa birdei mindetti, túpkilikti bolyp tabylady jáne shaǵymdanýǵa jatpaidy.
3. Osy qorytyndy respýblikalyq resmi basylymdarda qazaq jáne orys tilderinde jariialansyn.
Q. Á. Mámi
Qazaqstan Respýblikasy Konstitýtsiialyq Keńesiniń Tóraǵasy
