Konstitýtsiiaǵa Prezidentten basqa laýazymdy tulǵany kirgizýdiń qajeti joq. Bul týraly Konstitýtsiialyq keńestiń apparat jetekshisi Baqyt Nurmuhanov aitty, dep habarlaidy QazAqparat.
Ortalyq kommýnikatsiialar qyzmetindegi baspasóz máslihaty barysynda BAQ ókilderi spikerge Úkimet músheleriniń, ákimderdiń jaqyn týystarynyń laýazymdy qyzmetterge taǵaiyndalýyna qatysty Konstitýtsiiaǵa túzetýler engizý máselesi boiynsha saýal qoiǵan edi.
«Konstitýtsiiada eń aldymen joǵarǵy laýazymdy tulǵa – Prezident týystaryna qatysty shekteý qoiylyp otyr. Ministr, basqa memlekettik organdardyń basshylaryn Konstitýtsiiaǵa kirgizýdiń qajeti joq dep sanaimyn. Óitkeni basqa da konstitýtsiialyq zańdar paida bolady. Sol kezde azamattar depýtattarǵa osyndai usynys jasaýyna bolady», - dedi Baqyt Nurmuhanov.
