كونستيتۋتسيياعا پرەزيدەنتتەن باسقا لاۋازىمدى تۇلعانى كٸرگٸزۋدٸڭ قاجەتٸ جوق. بۇل تۋرالى كونستيتۋتسييالىق كەڭەستٸڭ اپپارات جەتەكشٸسٸ باقىت نۇرمۇحانوۆ ايتتى, دەپ حابارلايدى قازاقپارات.
ورتالىق كوممۋنيكاتسييالار قىزمەتٸندەگٸ باسپاسٶز مەسليحاتى بارىسىندا باق ٶكٸلدەرٸ سپيكەرگە ٷكٸمەت مٷشەلەرٸنٸڭ, ەكٸمدەردٸڭ جاقىن تۋىستارىنىڭ لاۋازىمدى قىزمەتتەرگە تاعايىندالۋىنا قاتىستى كونستيتۋتسيياعا تٷزەتۋلەر ەنگٸزۋ مەسەلەسٸ بويىنشا ساۋال قويعان ەدٸ.
«كونستيتۋتسييادا ەڭ الدىمەن جوعارعى لاۋازىمدى تۇلعا – پرەزيدەنت تۋىستارىنا قاتىستى شەكتەۋ قويىلىپ وتىر. مينيستر, باسقا مەملەكەتتٸك ورگانداردىڭ باسشىلارىن كونستيتۋتسيياعا كٸرگٸزۋدٸڭ قاجەتٸ جوق دەپ سانايمىن. ٶيتكەنٸ باسقا دا كونستيتۋتسييالىق زاڭدار پايدا بولادى. سول كەزدە ازاماتتار دەپۋتاتتارعا وسىنداي ۇسىنىس جاساۋىنا بولادى», - دەدٸ باقىت نۇرمۇحانوۆ.
