Konstitýtsiia kúnin atap ótý barysynda 100-den astam avtokólik sap túzep, Taldyqorǵannyń basty kóshelerimen júrip ótti. Avtosherý Taldyqorǵan qalasy ákimdiginiń qoldaýymen jergilikti kólik qumarlar klýbtarynyń uiymdastyrýymen ótti.
Sherýdiń basty maqsattarynyń biri – jolda qaýipsizdik erejelerin saqtaýǵa úgitteý boldy. Júrgizýshiler qala turǵyndaryn Konstitýtsiia kúnimen quttyqtap, jol-kólik qozǵalysy erejelerin saqtaýǵa shaqyrdy.
Sharany uiymdastyrýshylardyń biri, qalanyń jas belsendisi Qairat Abdrahmannyń aitýynsha, mereke aiasynda uiymdastyrylǵan bul shara barlyq taldyqorǵandyqtardy jolda júrý erejeleriniń eń qarapaiym erejelerin saqtaýǵa shaqyrady. Onyń sebebi, birer kúnnen keiin mektepterde oqý bastalyp, balalar úilerinen bilim berý mekemelerine deiin birneshe joldy qiyp ótetin bolady. Sondyqtan da barlyq kólik júrgizýshileri men jaiaý júrginshilerdi jol ústinde abai bolýǵa úndep jatqan kórinedi.
Negizgi merekelik shara «Jastar» saiabaǵynda ótti. Bul jerde qala turǵyndary men qonaqtarynyń nazaryna alǵashqy Zańdar jinaǵynan QR Konstitýtsiiasynyń qabyldanǵan ýaqytyna deiingi aralyqty qamtityn sátten teatrlandyrylǵan qoiylymdar kórsetildi.
Saiabaqqa jinalǵandardy quttyqtaǵan Almaty oblysy ákiminiń orynbasary Jaqsylyq Omar:
- Bizdiń Ata zańymyz «Biz, ortaq tarihi taǵdyr biriktirgen Qazaqstan halqy» dep bastalady. Bul sózderden biz kópultty elimizdiń basty qundylyǵy – halyqtyń birligi ekendigin anyq ańǵaramyz. Elbasy Nursultan Ábishuly Nazarbaev óz sózinde Konstitýtsiia biz úshin eń bastysy tańdaý quqyǵyn, iaǵni óz ómirimizdi ózimiz qurýǵa tolyqtai múmkindik beretindigin atap ótken bolatyn. Bizdiń qarqyndy damyp kele jatqan memleketimizdiń tarihy men búgini tikelei Tuńǵysh Prezidentimizdiń atymen bailanysty. Onyń saiasi sheshimderiniń arqasynda Qazaqstan qýaty boiynsha álemde tórtinshi orynda turǵan iadrolyq qarýdan bas tartyp, damýdyń beibit jolyn tańdady. Qazaqstan búginde Ortalyq Aziianyń álem moiyndaǵan kóshbasshysyna jáne de jaýapty sheshimder qabyldanatyn kóptegen iri halyqaralyq kelissózder júrgizý alańyna ainaldy. Al Konstitýtsiiamyz memleketimizdiń odan ári ekonomikalyq damýy men rýhani jańǵyrýyna negiz bolatyndyǵy anyq. Bizdiń búgingi kúndegi basty maqsatymyz – elimizdiń Basty Zańynda kózdelgen barlyq múmkindikterin is júzinde júzege asyrý bolyp tabylady, - dep atap ótti ákim orynbasary.
Sharanyń saltanatty bóligi Súiinbai atyndaǵy oblystyq filarmoniia jáne «Taldyqorǵan áýenderi» folklorly-etnografiialyq ansambili ártisteriniń oryndaýyndaǵy kontserttik baǵdarlamamen jalǵasty. Ortalyq saiabaqqa jinalǵan azamattar osy kúni túrli sporttyq baiqaýlar men jarystarǵa qatysyp, syi-siiapatqa ie bolyp jatty.
