Foto ©REUTERS
Irlandiialyq UFC faiteri Konor Makgregor kólikti qaýipti júrgizgeni úshin qamaýǵa alyndy, - dep habarlaidy Tengrinews.kz.
Agenttiktiń málimetinshe, Makgregor Dýblinde jol qozǵalysy erejesin buzdy degen aiyppen qamaýǵa alynǵan.
"Makgregor jattyǵý zalyna kele jatqan kezde ony Irlandiia politsiiasy jol erejesin buzdy degen kúdikpen toqtatqan. Ol esirtki men alkogolge qatysty synaqtan ótti", - dedi sportshynyń ókili.
Irish Independent gazeti Makgregordyń shamamen 170 myń eýro (94 million teńge) turatyn Bentley avtokóligi qamaýǵa alynǵannan keiin tárkilengenin, biraq keiin oǵan qaitarylǵanyn habarlady. Sportshyǵa aiyp taǵylǵan soń ol kepilmen bosatylǵan. Bul is boiynsha sot kelesi aida ótedi.
Aita keteiik, irlandiialyq sportshyny qaýipti kólik júrgizgeni úshin 5 myń eýro (2,7 million teńge) aiyppul tóleý nemese alty aiǵa bas bostandyǵynan aiyrý jazasy kútip tur.
2017 jyly Makgregor jyldamdyqty asyrǵany úshin dál sol sot aldyna kelgen bolatyn, ol kezde oǵan 400 eýro aiyppul salynǵan.
