فوتو ©REUTERS
يرلاندييالىق UFC فايتەرٸ كونور ماكگرەگور كٶلٸكتٸ قاۋٸپتٸ جٷرگٸزگەنٸ ٷشٸن قاماۋعا الىندى, - دەپ حابارلايدى Tengrinews.kz.
اگەنتتٸكتٸڭ مەلٸمەتٸنشە, ماكگرەگور دۋبليندە جول قوزعالىسى ەرەجەسٸن بۇزدى دەگەن ايىپپەن قاماۋعا الىنعان.
"ماكگرەگور جاتتىعۋ زالىنا كەلە جاتقان كەزدە ونى يرلاندييا پوليتسيياسى جول ەرەجەسٸن بۇزدى دەگەن كٷدٸكپەن توقتاتقان. ول ەسٸرتكٸ مەن الكوگولگە قاتىستى سىناقتان ٶتتٸ", - دەدٸ سپورتشىنىڭ ٶكٸلٸ.
Irish Independent گازەتٸ ماكگرەگوردىڭ شامامەن 170 مىڭ ەۋرو (94 ميلليون تەڭگە) تۇراتىن Bentley اۆتوكٶلٸگٸ قاماۋعا الىنعاننان كەيٸن تەركٸلەنگەنٸن, بٸراق كەيٸن وعان قايتارىلعانىن حابارلادى. سپورتشىعا ايىپ تاعىلعان سوڭ ول كەپٸلمەن بوساتىلعان. بۇل ٸس بويىنشا سوت كەلەسٸ ايدا ٶتەدٸ.
ايتا كەتەيٸك, يرلاندييالىق سپورتشىنى قاۋٸپتٸ كٶلٸك جٷرگٸزگەنٸ ٷشٸن 5 مىڭ ەۋرو (2,7 ميلليون تەڭگە) ايىپپۇل تٶلەۋ نەمەسە التى ايعا باس بوستاندىعىنان ايىرۋ جازاسى كٷتٸپ تۇر.
2017 جىلى ماكگرەگور جىلدامدىقتى اسىرعانى ٷشٸن دەل سول سوت الدىنا كەلگەن بولاتىن, ول كەزدە وعان 400 ەۋرو ايىپپۇل سالىنعان.
