"AQSh-tyń áskeri ústemdiginiń azaiýy qaýipti deńgeige jetti, Reseige jáne Qytaiǵa qarsy soǵysta Amerika jeńilip qalýy múmkin" delingen Kongress komissiiasynyń arnaiy esebinde. Bul jóninde Washington Post basylymy jazady.
Qujat avtorlary AQSh prezidenti Donald Tramptyń Máskeýdi jáne Beijińdi basty qaýip retinde kóretin saiasatyna qosylady.
Esepti jasaýshylar atalǵan avtoritarly elderdiń biligi AQSh-qa qarsy arnaiy baǵdarlama jasap jatyr dep esepteidi. "Uzaq jyldar boiy álemdik arenada Amerikanyń qarýly kúshi basym bolyp keldi, endi tiisinshe qajetty resýrstar men innovatsiiaǵa qol jetkize almai otyr", - deidi sarapshylar.
Gazet otstavkadaǵy áskerilerdiń pikirin bergen. Onda Resei men Qytaidyń uzaq jyldar boiy masshtabty kikiljińge daiyndalyp kele jatqanyn, biraq AQSh armiiasy tiisinshe stsenariige daiyndalmai otyrǵany aitylǵan.
14 qarashada Norvegiia qorǵanys ministrligi Reseidi NATO áskeri jattyǵýy GPS júiesin buzdy dep aiyptady. Resei bolsa, bul aiyptaýlardyń bárin teriske shyǵaryp keledi.
