Senator Ǵumar Dúisembaev kóne Saraishyq qalasyn saqtaý jáne ony týristik nysanǵa ainaldyrý máselesine memlekettik deńgeide kóńil bóliný kerektigin aityp, Premer-Ministrdiń atyna depýtattyq saýal joldady, dep habarlaidy "Ult aqparat".
Senator 1996-2006 jyldary belgili arheolog Zeinolla Samashevtiń jetekshiligimen júrgizilgen qazbalardan keiin HIV ǵasyrda salynǵan 40 shaqty bólmeden turatyn keshendi sarai ǵimaraty ashylǵanyn, alaida ony mýzeige ainaldyrý jumysy áli kúnge deiin júrgizilmegenine nazar aýdardy. Qala ústinde musylman ziraty jáne Eski Saraishyq aýylynyń jeke menshiktegi jerleri bar úiler ornalasqan.
«Tarihi eskertkishtiń negizgi sulbasyn saqtap, halyq igiligine ainaldyrý kezek kúttirmeitin másele. Sebebi, Saraishyq qalasynyń ornyn saqtaý múmkindigi jyldan jylǵa azaia beredi. Ortaǵasyrlyq shahardaǵy qazba jumystaryna qarjyny búginge deiin Atyraý oblysy ákimdigi bólip keldi. Endigi jerde respýblikalyq mekeme jumysyna respýblikalyq biýdjetten josparly túrde qarjy bólý qajet. Aitylǵandardy eskere otyryp, Saraishyqty saqtap qana qoimai, ǵylymi-zertteý jumystaryn júrgizý jáne ony týristik aimaqqa ainaldyrý úshin arnaiy baǵdarlama daiyndaýdy usynamyz», – dedi Ǵumar Dúisembaev.
