Foto: NUR.KZ/Vladimir Tretiakov
Almaty oblysynda jańajyldyq bezendirýge bailanysty aýdit júrgiziledi. Bul týraly oblys ákimdiginiń baspasóz qyzmeti habarlady. Bul týraly Ult.kz nur.kz-ke silteme jasap habarlaidy.
Ákimdik aqparatynsha, áleýmettik jelide Qonaev qalasynyń estetikalyq bezendirilýine qatysty aqparat jariialandy. Onda bul qyzmetke 148 mln 528 myń teńge jumsalǵany jáne qoiylǵan nysandardyń tehnikalyq qujattamaǵa sáikes emes ekeni týraly jazylǵan.
Osyǵan bailanysty Qonaev qalasynyń ákimdigi merdiger kompaniia táýelsiz aýditterge júgingenin habarlaidy. Aýdittiń nátijesine sáikes, kemshilikter anyqtalsa, ákimdik tarapynan merdigerge qatysty tiisti sharalar qabyldanady.
Qalalyq TÚKSh jáne TÚI bóliminiń memlekettik tapsyrysyn oryndaýǵa portal arqyly "Jasyl qala Qonaev» ShJQ MKK tańdalǵan. Atalǵan mekeme ortalyq alańǵa shyrsha, D.Qonaev eskertkishi mańyna 2025 merekelik jazýyn, túrli oiynshyqtar ornalastyryp, №5 jaǵajai aýmaǵyn bezendirip, park, kópir, qalaǵa kireberistegi stela men alleialardy jaryqtandyrǵan, merekelik oiynshyqtar qoiǵan. Memlekettik tapsyrysty berý kezinde tek Jańa jylda ǵana emes, jyl sońyna deiin nysandardyń jaryqtandyrylyp, kórikti bolýy esepke alynǵan.
Al №5 jaǵajai týristik tartymdylyqty arttyrý maqsatynda bezendirildi. Shaǵyn sáýlettik nysandar «Jasyl qala Qonaev» ShJQ MKK balansynda qalyp, keler jyly da paidaǵa asady. Jyl sońynda qalany bezendirýge memlekettik tapsyrys tek qosymsha árleý retinde jasalady.
