Foto: gov.kz
Almaty oblysy ákiminiń ókimimen Ashat Berdihanov Qonaev qalasynyń ákimi bolyp taǵaiyndaldy, - dep habarlaidy «Ult aqparat» oblystyń ákimdigine silteme jasap.
Ashat Berdihanov 1975 jyly týǵan, bilimi-joǵary. 2005 jyly Pavlodar memlekettik ýniversitetin "Ónerkásiptik kásiporyndardyń elektr jabdyǵy" mamandyǵy boiynsha, 2009 jyly Qaraǵandy memlekettik tehnikalyq ýniversitetin "Zańger" mamandyǵy boiynsha, 2017 jyly Pavlodar memlekettik ýniversitetin "Energetika jáne elektrotehnika" mamandyǵy boiynsha, 2022 jyly Qaraǵandy tehnikalyq ýniversitetin "Qurylys" mamandyǵy boiynsha bitirgen.
Eńbek jolyn 1993 jyly Pavlodar traktor zaýytynda elektromonter bolyp bastaǵan. Ár jyldary quqyq qorǵaý organdarynda ártúrli laýazymdarda jumys istedi. Balqash jylý elektr stantsiiasy Basqarma tóraǵasynyń orynbasary, "Samuryq-Energo" aktsionerlik qoǵamynyń bas menedjeri, "Alataý Jaryq kompaniiasy" AQ bas injeneri, "Samruk-Kazyna Construction" basqarmasynyń bastyǵy, Túrkistan oblysynyń energetika jáne turǵyn úi-kommýnaldyq sharýashylyq basqarmasy basshysynyń orynbasary qyzmetterin atqardy. 2022 jyldyń sáýir aiynan bastap qazirgi ýaqytqa deiin U.Qantaev atyndaǵy Moinaq gidroelektrostantsiiasynyń Basqarma tóraǵasynyń birinshi orynbasary - bas injeneri bolyp jumys istedi.
