Foto: gov.kz
Almaty oblysyndaǵy Qonaev qalasynyń ákimi Nurlan Qumataev óz erkimen qyzmetinen ketti, dep habarlaidy «Ult aqparat» Almaty oblysy ákiminiń baspasóz qyzmetine silteme jasap.
Ákimdiktiń málimetinshe, Nurlan Qumataev basqa qyzmetke aýysýyna bailanysty 28 naýryzda óz erkimen jumystan ketti.
"Nurlan Qumataevtyń basshylyǵymen Qonaev qalasynyń 10-shy shaǵyn aýdanyn damytýdyń jospary júzege asyryla bastady. Onyń kezinde mektep qurylysy, júrgizilip jatqan kóppáterli turǵyn úiler qurylysy jáne keń jolaqty jol jelisi salyna bastady. Sonymen qatar, Qumataev "Ardager" jáne "Samal" shaǵyn aýdandaryn damytý jobalaryna bastamashylyq jasady", – delingen habarlamada.
Nurlan Qumataev 1970 jyly 3 maýsymda Ońtústik Qazaqstan oblysy, Sairam aýdanynda dúniege kelgen. 1991 jyly Almaty memlekettik meditsina institýtyn bitirgen. Onyń zańgerlik jáne ekonomikalyq qosymsha bilimi bar.
Ol 2020 jyldyń 25 mamyrynan bastap Qonaev qalasynyń ákimi qyzmetin atqardy.
