Buryn Ózbekstan men Qazaqstan temirjolynyń shekteser tusy, iaǵni shegarasy Sheńgeldi beketi bolatyn. Búginderi qazaq temirjoly 55 shaqyrymǵa uzaryp, eki el arasyndaǵy temirjol shegarasy Saryaǵash beketi boldy.
Sheńgeldi beketiniń Saryaǵash sekildi iri beketpen oryn aýystyrǵany – árine, qýanarlyq jaǵdai. Osyndai ózgeris bolǵan kúnnen bastap Saryaǵash beketine temirjoldyń órkendeýine erekshe úles qosqan Dinmuhamed Ahmetuly Qonaev atamyzdyń esimin berý týraly usynyp jasap kelemiz. Biraq áli kúnge deiin bizdiń usynysymyzǵa tiisti oryndar tarapynan jaýap qaitarylǵan joq.
Biyl, iaǵni 2017 jyly D.A.Qonaev atamyzdyń 105 jyldyǵy. Mundai ataýly kúnge úkimetimiz mán berip, tiisti deńgeide atap ótetinine óz basym kámil senimdimin de.
Endigi aitpaǵym, osy mereitoiǵa Qazaqstannyń Ózbekstanmen shektesken Saryaǵash beketin “Qonaev beketi” desek, qandai jarasymdy bolar edi.
Táýekel ÁBILBEKOV, qurmetti temirjolshy.
Arys qalasy
"Jas Alash" gazeti
