Elordada 15 myń teńgelik kommýnaldyq ótemaqyny alýǵa arnalǵan sait iske qosyldy, dep habarlaidy "Ult aqparat".
Saitta kommýnaldyq qyzmetter tólemin óteýge ótinish berýge bolady. Turǵynnyń tizimde bar-joǵyn saitta JSN-dy terip tekserýge bolady.
«Eger siz kommýnaldyq qyzmetter úshin ótemaqy tólemi berilgen sanatqa jatsańyz, biraq sizdiń JSN derekter bazasynda bolmaǵan jaǵdaida +7 (7172) 28-09-59 nómeri boiynsha habarlasýdy suraimyz», delingen habarlamada.
Eske sala ketsek, keshe qala ákimdigi kommýnaldyq ótemaqyny alýǵa ótinim qabyldaý úshin eki alańdy usyndy. Biri - komtolem.kz saity, ekinshisi - Komtolem Telegram boty.
«Kommýnaldyq qyzmet úshin tólem «Astana ERTs» JShS shotyna aqshany aýdarý jolymen júrgiziledi. Jaqynda ǵana Indýstriia jáne infraqurylymdyq damý ministrligi erejelerge ózgeris engizgen edi. Endigi kezekte áleýmettik álsiz toptaǵy otbasynyń múshesi ótinimdi bere alady», - dedi Nur-Sultan qalasy ákiminiń orynbasary Baqtiiar Máken.
Aita keterligi, astanada áleýmettik álsiz topqa jatatyn 164 myń adam bar.
