Qazaqstannyń Kommýnistik Halyq partiiasynyń kezekten tys XIV sezinde 2019 jyldyń 9 maýsymynda ótetin prezident sailaýyna kandidat retinde Jambyl Ahmetbekovty bekitti, dep habarlaidy "Ult aqparat".
Esterińizge sala keteiik, osyǵan deiin 2011 jylǵy sailaýda da Ortalyq sailaý komissiiasy Qazaqstannyń Kommýnistik Halyqtyq partiiasynyń hatshysy Jambyl Ahmetbekovty QR Prezidenttigine kandidat etip tirkegen bolatyn.
Jambyl Áýjanuly Parlament Májilisinde Áleýmettik-mádeni damý komitetiniń múshesi.
1961 jyly Tselinograd oblysy, Qorǵaljyn aýdany, Janteke selosynda týǵan. Tselinograd aýylsharýashylyǵy institýtyn bitirgen. Eńbek jolyn 1983 jyly Qorǵaljyn keńsharynda mehanik retinde bastaǵan. 1983-1987 jyldar aralyǵynda - Qazaqstan LKJO Qorǵaljyn aýdandyq komiteti Qorǵaljyn keńshary kosmsomol komitetiniń hatshysy.
1987-1990 jyldar aralyǵynda - Qazaqstan Kompariiasy Qorǵaljyn aýdandyq komiteti ideologiia bóliminiń nusqaýshysy. 1990-1992 jyldar aralyǵynda - Qazaqstan LKJO Qorǵaljyn aýdandyq komitetiniń birinshi hatshysy.
1992-1994 jyldar aralyǵynda - Qaraǵandy oblysy Teńiz aýdandyq ákimshiligi mádeniet bóliminiń meńgerýshisi. 1994-1997 jyldar aralyǵynda - Qorǵaljyn aýdandyq ákimshiligi jastar isi, týrizm jáne sport bóliminiń meńgerýshisi, mádeniet bóliminiń meńgerýshisi.
1997-1998 jyldar aralyǵynda - avtomobilge janar-jaǵar mai quiý stansasynyń mehanigi. 1998-2001 jyldar aralyǵynda - Aqmola oblystyq «Suńqar» áskeri-tehnikalyq litseiynyń vzvod komandiri, direktordyń ásker-tehnikalyq daiyndyq jónindegi orynbasary. 2001-2002 jyldar aralyǵynda - Drýjba orta mektebi direktorynyń áskeri-patriottyq tárbie jónindegi orynbasary. 2002-2003 jyldar aralyǵynda - aýdandyq bilim bóliminiń alǵashqy áskeri daiyndyq jáne sport jónindegi ádiskeri. 2003-2005 jyldar aralyǵynda - Qorǵaljyn aýdany ákimi apparatynyń bas mamany, uiymdastyrý-baqylaý bóliminiń bastyǵy.
2005-2011 jyldar aralyǵynda - Qazaqstan Kommýnistik Halyq partiiasy Ortalyq Komitetiniń apparat basshysy, hatshysy. 2012 jylǵy qańtardan bastap - Qazaqstan Respýblikasy Parlamenti Májilisiniń depýtaty, Áleýmettik-mádeni damý komitetiniń múshesi, Kommýnistik Halyq partiiasy Ortalyq Komitetiniń hatshysy.
Otbasyly, tórt balasy bar.
