QR Parlamenti Májilisiniń depýtaty, Qazaqstan halyqtyq kommýnistik partiiasy fraktsiiasynyń múshesi Jambyl Ahmetbekovtyń Demokratiialyq kúshterdiń «Qazaqstan-2050» jalpyulttyq koalitsiiasynyń kezekti otyrysynda sóilegen sózi.
***
Qazaqstandyq kommýnister latyn qarpiniń qazaq tiline oralýyn qýana qarsy alady.
Bizdiń jahandaný men aqparattyq tehnologiialar jedel damyp jatqan ǵasyrymyzda tildi jańǵyrtý máselesi elimizdiń básekege qabilettiligi men innovatsiialar deńgeii, memlekettiń investitsiialarǵa tartymdylyǵy men ashyqtyǵy, adam kapitalynyń damýy siiaqty strategiialyq máselelermen tikelei bailanysty.
Bizdiń oiymyzsha, latyn qarpine kóshý arqyly memleketimiz álemniń kóptegen elderine ashyǵyraq jáne jaqynyraq bolady, óitkeni qazirgi zamanda memleketterdiń 75%-dan astamy latyn grafikasyn qoldanady.
Qazirgi tańda álemde 6 túrki memleketi bar. Qazaqstan latyn qarpin qoldanatyn besinshi memleket bolady. Qazaqstannyń Ázirbaijan, Túrkiia, Ózbekstan men Túrmenistan siiaqty Orta Aziia jáne Kaspii teńizi aýmaǵynyń memleketterimen odan ári jaqyndasýy men qarym-qatynastarynyń kúsheiýi, bul – integratsiia men kórshiles qarym-qatynastardyń kúsheiýi bolyp tabylady.
Meniń oiymsha, latyn qarpine kóshýdiń barlyq alǵy sharttary bar. Bizde 100% jappai saýattylyq, kúndelikti ómirde uialy telefondy, internetti qoldaný barysynda árbir qazaqstandyq derlik is júzinde latynsha jazady jáne oqidy .
«Rýhani jańǵyrý» baǵdarlamasy jaryqqa shyqqan boida biz elimizdiń aimaqtaryna sapar shegip, óńir turǵyndarymen kóptegen kezdesýler ótkizip, qazaqstandyqtardyń atalǵan baǵdarlamaǵa qyzyǵýshylyq tanytqandyqtaryn jáne birinshi kezekte memlekettik tildiń latyn qarpine kóshý máselesine qoldaý bildirip otyrǵandyqtaryn kórdik.
Otandastarymyzdyń basym kópshiligi Elbasyna qoldaý bildirýde jáne latyn qaripne kóshý úrdisin qajet dep esepteidi.
Kúni keshe ǵana parlamenttik tyńdaýda jańa qazaq álipbiimen tanysyp, biz – kommýnister, partiialastarmen birlese onyń basymdylyqtary men múmkindikterin talqylap, usynylǵan latyn qarpiniń nusqasyn tolyq qoldaý týraly sheshimge keldik.
Kommýnistik halyq partiiasy óz jumysynda jastarǵa, ásirese aýyldy eldi-mekenderdegi jastarǵa erekshe kóńil bóledi.
Jalpy, biz barlyq kúsh-jigerimizben qazaq tiliniń latyn qarpine kóshýin qoldap, onyń iske asyrylýyn qamtamasyz etýimiz qajet. Árine, bul jerde eń negizgisi barlyq qoǵamdy jumyldyrý bolyp tabylady. Latyn qarpine kóshý arqyly barlyq tyń múmkindikterge qol jetkizetinimizdi halyqqa túsindirýimiz kerek. Bul bizdiń ortalyqta jáne jergilikti jerlerdegi ortaq mindetimiz,
Sondyqtan, men – Qazaqstan kommýnisteri atynan barlyq el azamattaryn jańa qazaq álipbiin engizý jónindegi talqylaýlarǵa belsendi qatysýǵa shaqyramyn.
