Qazaqstan kommýnistik halyq partiiasynyń úmitkeri Jambyl Ahmetbekovti 6 mamyrda ortalyq sailaý komissiiasy prezident sailaýyna kandidat retinde tirkedi.
Búgin Qazaqstan Respýblikasy Ortalyq sailaý komissiiasynyń otyrysy ótti, oǵan birqatar saiasi partiialar men memlekettik organdardyń ókilderi qatysty.
Qaýly jobasy týraly Qazaqstan Respýblikasy Ortalyq sailaý komissiiasynyń múshesi Baqyt Sársenbaiuly Meldeshov baiandama jasady.
2019 jylǵy 26 sáýirde «Qazaqstan Kommýnistik Halyq partiiasy» qoǵamdyq birlestigi Ortalyq sailaý komissiiasyna Qazaqstan Respýblikasynyń Prezidenttigine kandidat retinde Jambyl Aýjanuly Ahmetbekovtyń qujattaryn usyndy. Atap aitqanda:
- «Qazaqstan Kommýnistik Halyq partiiasy» qoǵamdyq birlestigin Ádilet ministrliginde tirkeý týraly qujattyń kóshirmesi qosa tirkelgen, osy qoǵamdyq birlestiktiń joǵarǵy organy otyrysynyń Jambyl Aýjanuly Ahmetbekovty Qazaqstan Respýblikasynyń Prezidenttigine kandidat retinde usyný týraly hattamasynan úzindi;
- Jambyl Aýjanuly Ahmetbekovtyń Prezidenttikke kandidat bolyp daýysqa túsýge kelisim berý jónindegi ótinishi;
- ómirbaiandyq derekter;
- sailaý jarnasyn engizgenin kýálandyratyn qujat.
Osy qujattardyń, sondai-aq kandidattyń memlekettik tildi erkin meńgergendigin anyqtaý negizinde Ortalyq sailaý komissiiasynyń 2019 jylǵy 29 sáýirdegi № 21/254 qaýlysymen Prezidenttikke kandidat Jambyl Aýjanuly Ahmetbekovtyń Konstitýtsiia men «Qazaqstan Respýblikasyndaǵy sailaý týraly» Konstitýtsiialyq zańnyń talaptaryna sáikestigi anyqtaldy jáne azamattardyń qoldaryn jinaý úshin qol qoiý paraqtary berildi.
Ortalyq sailaý komissiiasyna kandidatty tirkeý úshin mynadai qujattar:
-Prezidenttikke kandidat Jambyl Aýjanuly Ahmetbekovtyń kiristeri men múlki týraly deklaratsiia tapsyrǵany týraly memlekettik kirister organynyń anyqtamasy;
-Prezidenttikke kandidat Jambyl Aýjanuly Ahmetbekovta ony tirkeýge kedergi keltiretin aýrýlardyń joqtyǵy týraly meditsinalyq qorytyndy;
- aýmaqtyq sailaý komissiialarynyń Prezidenttikke kandidat Jambyl Aýjanuly Ahmetbekovty qoldaityn azamattardyń qoldaryn tekserý nátijeleri týraly hattamalary usynyldy.
Osy hattamalarǵa sáikes Prezidenttikke kandidat Jambyl Aýjanuly Ahmetbekovty qoldap Qazaqstannyń 16 óńirinen 138 294 azamattyń qolyn jinaǵan, olardyń ishinen 135 506 ras qoiylǵan qoldar bolyp eseptelindi.
Bul rette Ortalyq sailaý komissiiasynyń 2019 jylǵy 15 sáýirdegi №13/237 qaýlysymen belgilengen Qazaqstan Respýblikasynyń Prezidenttigine kandidatty qoldaityn ras qoldardyń qajetti sany keminde 118 140 qoldy quraidy.
Jambyl Aýjanuly Ahmetbekovty Prezidenttikke kandidat retinde tirkeýge qajetti barlyq qujattar Ortalyq sailaý komissiiasyna usynyldy jáne olarǵa qoiylatyn talaptarǵa tolyq sáikes keledi.
Joǵaryda baiandalǵannyń negizinde «2019 jylǵy 9 maýsymǵa taǵaiyndalǵan Qazaqstan Respýblikasy Prezidentiniń kezekten tys sailaýynda Jambyl Aýjanuly Ahmetbekovty Qazaqstan Respýblikasy Prezidenttigine kandidat retinde tirkeý týraly» qaýly qabyldandy.
Qaýlymen tómendegiler belgilendi:
- 2019 jylǵy 9 maýsymǵa taǵaiyndalǵan Qazaqstan Respýblikasy Prezidentiniń kezekten tys sailaýynda Jambyl Aýjanuly Ahmetbekov Qazaqstan Respýblikasy Prezidenttigine kandidat retinde tirkelsin;
- Prezidenttikke kandidat Jambyl Aýjanuly Ahmetbekovke tiisti kýálik berilsin;
-Prezidenttikke kandidat Jambyl Aýjanuly Ahmetbekovtyń tirkelgeni týraly málimetter arnaýly ýaqytsha shot ashý úshin «Qazaqstan Halyq jinaq banki» aktsionerlik qoǵamyna berilsin;
-buqaralyq aqparat quraldarynda Qazaqstan Respýblikasynyń Prezidenttigine kandidat Jambyl Aýjanuly Ahmetbekovtyń tirkelgeni týraly habar jariialansyn.
