2019 jyldyń qańtar-qazan ailary aralyǵynda Qazaqstanda infliatsiia 3,9% qurady, – dep habarlaidy «Ult aqparat».
QR Ulttyq ekonomika ministrligi Statistika komitetiniń málimetine sáikes, baǵa azyq-túlik taýarlaryna aǵymdaǵy jylǵy on aida (2019 jylǵy qazan 2018 jylǵy jeltoqsanǵa) – 7,2%, azyq-túlik emes taýarlaryna 3,8% joǵarylady. Al aqyly qyzmetterge 0,1% tómendedi.
«Biylǵy jyldyń basynan (2019 jylǵy qazan 2018 jylǵy jeltoqsanǵa) baǵa kúrishke – 22,5%, unǵa – 19,9%, muzdatylǵan balyqqa – 16%, qoi etine – 15,6%, jarmalarǵa – 15,4%, kartopqa – 15,3%, siyr etine – 15%, nanǵa – 13,4%, jylqy etine – 12,9%, qus etine – 11,2%, shoshqa etine – 10,5%, makaron ónimderine – 9,9%, kofege – 9,2%, et ónimderine – 9%, máiekti irimshikke – 8,3%, sary maiǵa – 7,6%, toqash jáne unnan daiyndalatyn ónimderge – 7,4%, shaiǵa 6,3% artty» delingen habarlamada.
Salqyndatylǵan sýsyndar – 11,2%, temeki ónimderi – 10,7%, alkogoldi ishimdikter 7% qymbattady. Baǵanyń tómendeýi jańa jinalǵan kókónisterge – 14,1%, qumshekerge 14% tirkeldi.
Sondai-aq baǵa oqý-anyqtamalyq ádebietke – 7,6%, keńse taýrlaryna – 6,3%, avtomobilderge – 6,2%, farmatsevtikalyq ónimderge, qurylys materialdaryna – 5,8%-dan, kiim jáne aiaq kiimge – 5,3%, turmystyq aspaptarǵa – 5,1%, toqyma buiymdaryna, jihaz jáne úige qajetti zattarǵa – 4,9%-dan, jeke qoldanylatyn taýarlarǵa – 4,6%, jýǵysh jáne tazalaǵysh quraldarǵa 4,5% ósti. Kerisinshe, benzin – 4,5%, ballondaǵy suiytylǵan gaz – 0,9%, dizel otyny 0,7% arzandaǵan.
«Budan bólek, sanatoriilerdiń qyzmetteri – 8,1%, mádeni is-sharalar salasyndaǵy qyzmetter – 6,3%, densaýlyq qyzmetteri – 5,3%, quqyqtyq, jeke kólik quraldaryn saqtandyrý – 5%-dan, shashtarazdar men jeke qyzmet kórsetý oryndary qyzmetteri – 4,9%, qoǵamdyq tamaqtandyrý – 4,6%, saiahattar men demalys úilerine joldamalar 4,3% qymbattady.
Turǵyn úi-kommýnaldyq qyzmetter salasynda tarifter ortalyqtan jylytýǵa – 11%, ystyq sýǵa – 10,1%, sýyq sýǵa – 8%, kárizge – 7,2%, elektr energiiasyna – 4,9%, taratý jelileri arqyly tasymaldanatyn gazǵa – 4,4%, qoqys shyǵarýǵa 3,6% arzandady» dep kórsetilgen Statistika komiteti taratqan habarlamada.
