Almatyda kommýnaldyq qyzmet salasy karantin ahýalynda qalai jumys isteidi? Bul jaiynda onlain brifing barysynda belgili boldy, dep habarlaidy QazAqparat.
Qalalyq energetikalyq tiimdilik pen infraqurylymdyq damý basqarmasynyń basshysy Áset Masabaev kommýnaldyq qyzmet ókilinen virýs tabylsa, qandai áreket jasalatynyn aitty.
«Barlyq kommýnaldyq kásiporyndar jumys isteý josparyn jasaqtady. Algoritm bar. Kommýnaldyq qyzmet ókilderinen virýs tabylsa, qyzmetkerdi oqshaýlaýǵa barynsha tyrysamyz», - dedi Áset Masabaev.
Spikerdiń aitýynsha, qaladaǵy barlyq qyzmetter qashyqtan jumys isteidi. Esepteý quraldaryn tekserý ádettegi rejimde jalǵasady.
Apat bolǵan jaǵdaida arnaiy brigada shuǵyl túrde qalpyna keltirýge shyǵady.
