الماتىدا كوممۋنالدىق قىزمەت سالاسى كارانتين احۋالىندا قالاي جۇمىس ٸستەيدٸ? بۇل جايىندا ونلاين بريفينگ بارىسىندا بەلگٸلٸ بولدى, دەپ حابارلايدى قازاقپارات.
قالالىق ەنەرگەتيكالىق تيٸمدٸلٸك پەن ينفراقۇرىلىمدىق دامۋ باسقارماسىنىڭ باسشىسى ەسەت ماساباەۆ كوممۋنالدىق قىزمەت ٶكٸلٸنەن ۆيرۋس تابىلسا, قانداي ەرەكەت جاسالاتىنىن ايتتى.
«بارلىق كوممۋنالدىق كەسٸپورىندار جۇمىس ٸستەۋ جوسپارىن جاساقتادى. الگوريتم بار. كوممۋنالدىق قىزمەت ٶكٸلدەرٸنەن ۆيرۋس تابىلسا, قىزمەتكەردٸ وقشاۋلاۋعا بارىنشا تىرىسامىز», - دەدٸ ەسەت ماساباەۆ.
سپيكەردٸڭ ايتۋىنشا, قالاداعى بارلىق قىزمەتتەر قاشىقتان جۇمىس ٸستەيدٸ. ەسەپتەۋ قۇرالدارىن تەكسەرۋ ەدەتتەگٸ رەجٸمدە جالعاسادى.
اپات بولعان جاعدايدا ارنايى بريگادا شۇعىل تٷردە قالپىنا كەلتٸرۋگە شىعادى.
