Reseilik «Kommersant» basylymy 16 shildede Qazaqstandaǵy «ArselorMittal Temirtaý» kompaniiasy reseilik «Gazprom neft» kompaniiasynyń distribýtory «Nik-Oil» seriktesimen kelisim-shart úzgenin habarlady, dep jazady Azattyq.
Basylym dereginshe, Eýropa odaǵy men Ýkrainanyń «Gazprom neft» kompaniiasyna salǵan sanktsiialarynan keiin «ArselorMittal Temirtaý» «Nik-Oilmen» birge jumys isteýdi toqtatqan. «Kommersant» gazeti «AMT óziniń bas direktory Paramjit Kalonnyń bedelin de saqtap qalǵysy keledi» dep jazdy.
«ArselorMittal Temirtaý» kompaniiasynyń baspasóz qyzmeti bul aqparatty rastap, ia joqqa shyǵarǵan joq. Kompaniia Azattyqqa reseilik gazetke shyqqan aqparatqa qatysty qandai da bir kommentarii berýden bas tartqan.
«Kommersant» basylymynyń jazýynsha, 2014 jyly qyrkúiekte AQSh pen Eýropa odaǵy «Gazprom neft» kompaniiasyna sanktsiia salǵan. «Nik Oil» direktory Nikolai Garder «Kommersant» basylymyna ózi basqaratyn kompaniia AMT-ǵa segiz jyl boiy qajetti materialdardy jiberip otyrǵanyn aitty.
«EO men Ýkrainanyń Reseige salǵan sanktsiialarynyń bizge qandai qatysy baryn suradyq. Biraq bul suraǵymyz jaýapsyz qaldy» dedi Garder«Kommersant» basylymyna.
«Gazprom neft» ókilderi reseilik gazetke kompaniia zańgerleri qazaqstandyq kompaniianyń sheshimin tekserip kóretinin málimdegen.
«ArselorMittal Temirtaý» kompaniiasy úndistandyq biznesmen Lakshmi Mittal ielik etetin «ArselorMittal» transulttyq metallýrgiialyq tobyna kiredi. Bul toptyń quramynda Ýkrainadaǵy «ArselorMittal Krivoi Rog» kompaniiasy da bar.
«ArselorMittal Krivoi Rog» pen «ArselorMittal Temirtaýdy» Paramjit Kalon basqarady.
