Qańtar tragediiasynan keiin aýqattylar men qarapaiym addarǵa salyqty saralap salý máselesi qajet dep oilamaisyzdar ma? Ortalyq kommýnikatsiialar qyzmetinde ótken brifingide Memlekettik kirister komiteti tóraǵasynyń orynbasary Qairat Miiatovqa osyndai suraq qoiyldy, dep habarlaidy QazAqparat.
«Bizde jalpyǵa birdei múlik deklaratsiiasy kezeń-kezeńmen engizilip jatyr. Iaǵni, salyq salý úrdisi birtindep zańdy tulǵalardyń tabysynan jeke tulǵalardyń tabysyna qarai oiysady. Óitkeni zańdy tulǵalardyń túpki benefitsarlary, túpki ieleri baiyp jatyr. Solardyń tabysyna salyq salynýy kerek. Jalpyǵa birdei deklaratsiialaý engizilip bitkennen keiin ashyqqa shyqqan tabystardyń bárine salyq salyna bastaidy. Sol kezde ǵana saralanǵan salyq týraly oilanýǵa bolady», - dedi komitet ókili.
Onyń paiymynsha, saralanǵan salyq salý úshin áýeli ondai salyqa tóleýge qabilettilerdiń tizimi belgilenýi kerek.
«Búginde biz bailyq salyǵyna qandai múlik jatqyzylýy kerek ekenin naqty anyqtaǵan joqpyz. Deklaratsiiada kórinis tapqansha onyń bilý múmkin emes. Bul máselege biz múlikter týraly málimettiń bárin alǵannan keiin, óte salmaqty túrde kelýimiz kerek.
Jalpyǵa birdei deklaratsiialaýdy 2025 jyly aiaqtaý josparlanǵan. Sonda keiin salyq salynatyn bazany taldaýǵa kirisemiz. Saralanǵan salyq salý tásilderi týralysol kezde oilanýǵa bolady», - dedi Qairat Miiatov.
