Қазақстан Тәуелсіздігіне 25 жыл

Kómir tasymaldaityn vagondar sany 16 myńǵa jetkizildi

Kómir tasymaldaityn vagondar sany 16 myńǵa jetkizildi


Óńir turǵyndaryn kómirmen qamtamasyz etý úshin vagondar sany 16 myńǵa jetkizildi. Bul týraly QR Premer-Ministriniń orynbasary Roman Skliardyń depýtattar saýalyna jaýabynda aitylǵan, dep habarlaidy QazAqparat.

«Júk jóneltýshilerdi vagondarmen qamtamasyz etý úshin «Qazaqstan temir joly» UK» AQ birqatar operativtik is-sharalar qabyldady. Onyń ishinde kómir tasymaldaýǵa jumyldyrylǵan ashyq vagondardyń sany ulǵaityldy. Qazirgi ýaqytta ashyq vagondardyń sany 13 myń danadan 16 myń danaǵa deiin ulǵaityldy», - delingen Roman Skliardyń Májilis depýtattary saýalyna bergen jaýabynda. 

Sonymen qatar ol kómir tasymaldaý úshin kórshiles temirjol ákimshilikteriniń ashyq vagondary tartylǵanyn atap ótedi. 

«Qaztemirtrans» AQ-nyń ashyq vagondaryna basqa nomenklatýralyq júkterdi jáne eksportqa júk tieýler shekteldi. Jylý elektr stantsiialaryna jóneltý jumystary kún saiynǵy baqylaýda tur. Ainalma baǵdarlar uiymdastyryldy. Jyljymaly qurammen qamtamasyz etilýde», - dedi Úkimet basshysynyń orynbasary.