Foto: Qaraǵandy politsiiasy
Balqash qalasynda sý attraktsionynda demalyp júrgen úsh qyzdyń ómirine qaýip tóndi. Oqiǵaǵa qatysy bar adamdarǵa qatysty qylmystyq is qozǵaldy, dep habarlaidy Qaraǵandy oblysynyń Politsiia departamenti.
Politsiianyń málimetinshe, 8 tamyzda 24 jastaǵy astanalyq qyz qaýipsizdik talaptaryna sai kelmeitin qyzmet kórsetilgeni týraly aryzdanǵan. Tergeý barysynda attraktsion qyzmetkerleriniń salǵyrttyǵy saldarynan demalýshylardyń sýǵa batý qaýpi týyndaǵany anyqtaldy.
Jábirlenýshilerdiń biri Arýjan Magzým áleýmettik jelide bolǵan jaǵdaidy baiandap berdi. Onyń aitýynsha, olar «divan» atty attraktsiondy eń qaýipsiz dep tańdap, mingen. Alaida qatty tolqyn kezinde qyzdar sýǵa túsip ketken. Onyń aitýynsha, qyzmetkerler ýaqytynda kómek kórsetpegen, kerisinshe olarǵa kúlip, mazaqtaǵan. Tek bir qyz esinen tanǵan kezde ǵana kater júrgizýshisi áreket etken. Sýdaǵy ózge qyzdar da qaýipke tap bolyp, biriniń kýpalnigi arqanǵa oralyp, bata bastaǵan. Ony basqa bir demalýshy — gidrotsiklmen arttarynan ilesip júrgen qyz qutqarǵan.
Jaǵalaýda kýágerler men qyzdardyń týystary jedel járdem men politsiia shaqyrǵan. Úsh qyz «aspiratsiialyq pnevmoniia» diagnozymen aýrýhanaǵa jetkizildi.
Politsiia departamenti azamattardyń ómiri men densaýlyǵyna qaýip tóndiretin mundai oqiǵalarǵa jol bermeitinin jáne kináliler zań aiasynda jaýapkershilikke tartylatynyn málimdedi.
