فوتو: قاراعاندى پوليتسيياسى
بالقاش قالاسىندا سۋ اتتراكتسيونىندا دەمالىپ جٷرگەن ٷش قىزدىڭ ٶمٸرٸنە قاۋٸپ تٶندٸ. وقيعاعا قاتىسى بار ادامدارعا قاتىستى قىلمىستىق ٸس قوزعالدى, دەپ حابارلايدى قاراعاندى وبلىسىنىڭ پوليتسييا دەپارتامەنتٸ.
پوليتسييانىڭ مەلٸمەتٸنشە, 8 تامىزدا 24 جاستاعى استانالىق قىز قاۋٸپسٸزدٸك تالاپتارىنا ساي كەلمەيتٸن قىزمەت كٶرسەتٸلگەنٸ تۋرالى ارىزدانعان. تەرگەۋ بارىسىندا اتتراكتسيون قىزمەتكەرلەرٸنٸڭ سالعىرتتىعى سالدارىنان دەمالۋشىلاردىڭ سۋعا باتۋ قاۋپٸ تۋىنداعانى انىقتالدى.
جەبٸرلەنۋشٸلەردٸڭ بٸرٸ ارۋجان ماگزۋم ەلەۋمەتتٸك جەلٸدە بولعان جاعدايدى بايانداپ بەردٸ. ونىڭ ايتۋىنشا, ولار «ديۆان» اتتى اتتراكتسيوندى ەڭ قاۋٸپسٸز دەپ تاڭداپ, مٸنگەن. الايدا قاتتى تولقىن كەزٸندە قىزدار سۋعا تٷسٸپ كەتكەن. ونىڭ ايتۋىنشا, قىزمەتكەرلەر ۋاقىتىندا كٶمەك كٶرسەتپەگەن, كەرٸسٸنشە ولارعا كٷلٸپ, مازاقتاعان. تەك بٸر قىز ەسٸنەن تانعان كەزدە عانا كاتەر جٷرگٸزۋشٸسٸ ەرەكەت ەتكەن. سۋداعى ٶزگە قىزدار دا قاۋٸپكە تاپ بولىپ, بٸرٸنٸڭ كۋپالنيگٸ ارقانعا ورالىپ, باتا باستاعان. ونى باسقا بٸر دەمالۋشى — گيدروتسيكلمەن ارتتارىنان ٸلەسٸپ جٷرگەن قىز قۇتقارعان.
جاعالاۋدا كۋەگەرلەر مەن قىزداردىڭ تۋىستارى جەدەل جەردەم مەن پوليتسييا شاقىرعان. ٷش قىز «اسپيراتسييالىق پنەۆمونييا» دياگنوزىمەن اۋرۋحاناعا جەتكٸزٸلدٸ.
پوليتسييا دەپارتامەنتٸ ازاماتتاردىڭ ٶمٸرٸ مەن دەنساۋلىعىنا قاۋٸپ تٶندٸرەتٸن مۇنداي وقيعالارعا جول بەرمەيتٸنٸن جەنە كٸنەلٸلەر زاڭ اياسىندا جاۋاپكەرشٸلٸككە تارتىلاتىنىن مەلٸمدەدٸ.
