Astanalyq máslihattyń depýtaty Ǵabit Satmaǵambetov ákimdiktiń kireberisinde kópbalaly analarmen sózge kelip qaldy, dep habarlaidy Sputnik Qazaqstan.
Bul týraly ol óziniń áleýmettik jelidegi paraqshasynda jazyp, oqiǵanyń mán-jaiyn túsindirdi.
Aitýynsha, ol máslihat otyrysyna asyǵyp bara jatqan. Sol kezde ákimdiktiń kireberisinde birneshe kópbalaly anamen ushyrasyp qalady.
"Mine, qarańyz, taǵy bir depýtat qashyp barady. Mynda kelińiz, mynda kelińiz!", - deidi olar.
Depýtat olardan ne úshin aiqailap turǵanyn suraidy. Alaida áielder sabyrǵa kelmei, taǵy aiqailaidy. Satmaǵambetov te "Idite, v z...ý " dep dóreki jaýap berip, qolyn bir siltep, ketip qalady.
Kópbalaly analardyń atynan shyǵyp júrgen áiel ashýlanyp: "Ei, sen qalai sóileisiń?! Biz jaraidy etikasy joq adamdarmyz, al sen bildei depýtatsyń", - deidi.
Satmaǵambetovtyń aitýynsha, máslihat depýtattyǵy aqyly qyzmet emes, qoǵamdyq jumys bolǵan soń ol úshin jalaqy tólenbeidi. Al máslihat otyrysynan keiin kireberiste turǵan adamdar jii soqtyǵysyp, san alýan problemalaryn aitady. Atiýynsha, osy joly áielder arandatýshylyqqa barǵan.
"Arandatýshylyqqa qaspyn, birjaqty talaptardy unatpaimyn, ásirese til tigizetinderdi. Bireý jelkeden qoiyp qalsa, týra solai jaýap beremin. Adekvatty adam bireýdiń aiyptaýyna, til tigizýine, qorqytýyna, tipti, qarǵys aitýyna qalai jaýap berýi kerek? Ashýǵan mingen túsiniksiz bir áielder toby ákimdikte janjal shyǵardy", – dep jazdy Satmaǵambetov.
Ol qurylys kompaniiasynyń basshysy retinde kópbalaly otbasylarǵa 20 páter syilaǵanyn da eske saldy. Sondai-aq, óziniń qaiyrymdylyq qory arqyly únemi materialdyq kómek jasap otyratynyn atap ótti. Al osy oqiǵadan keiin kópbalaly analarǵa kómek berýdi toqtatatatyny málimdedi.
"Búgingi oqiǵa jeke ustanymdy qaita qarap, kómekke muqtaj adamdardy muqiiat baǵalaýǵa itermelep otyr. Sondyqtan dál qazir resmi túrde málimdeme jasaimyn. Men, Ǵabit Satmaǵambetov, qaiyrymdylyq qorynyń iesi retinde kópbalaly analarǵa qatysty kez kelgen kómekti toqtatamyn. Búginge deiin biraz kómek berdik. Biraq saǵan jańaǵydai qaraidy. Ondaida kómek berýge eshqandai niet bolmaidy eken", - deidi Satmaǵambetov.
Ǵabit Satmaǵambetov 2021 jyly qańtar aiynda jetinshi shaqyrylymnyń depýtaty boldy. Qurylys, ekologiia, kólik, saýda men turǵyn úi kommýnaldyq sharýashylyq máselelesi jónindegi máslihat komissiiasy tóraǵasynyń orynbasary qyzmetin atqaryp júr.
