"Kómekovter" uiymdasqan qylmystyq toby sottaldy, - dep habarlady Qarjy monitoringi agenttiginiń baspasóz qyzmeti.
QMA Jambyl oblysy boiynsha aýmaqtyq departamenti "Kómekovter" uiymdasqan qylmystyq tobyna qatysty qylmystyq isti tergedi.
"Kómekovter uiymdasqan qylmystyq toptyń 7 belsendi múshesin basqarǵany, olardyń árqaisy jalǵan kásiporyndardyń tutas jelisi arqyly is júzinde jumys istemei, shot-faktýralardy berýdiń qylmystyq shemasynda belgilengen qyzmet jasaǵany anyqtaldy", - delingen habarlamada.
QMA málimetinshe, uiymdasqan qylmystyq toptyń zańsyz áreketteriniń nátijesinde memleket biýdjetine salyq túrindegi 1 milliard teńgeden astam qarajat túspegen.
"Sot uiymdasqan qylmystyq toptyń keńsesin jáne 17 million teńgeden astam qarajatty tárkileýmen qatar, memlekettik kirister organdarynyń 10 milliard teńgeden astam somaǵa keltirilgen zalal somasyn ótep berý týraly azamattyq talap aryzyn da qanaǵattandyrdy.
Sot úkimi boiynsha, uiymdasqan qylmystyq topqa qatysýshylar túzeý mekemelerinde 3 jyldan 5 jylǵa deiin ártúrli merzimge bas bostandyǵynan aiyryldy. Kómekovterdiń qylmystyq jolmen tapqan múlki tárkilenip, 7 jáne 10 jylǵa bas bostandyǵynan aiyryldy", - delingen habarlamada.
